ଜାଣିଛନ୍ତି କି ବିରୁଷ୍କାଙ୍କ ବଡ଼ିଗାର୍ଡ କେତେ ନିଅନ୍ତି ଦରମା ?

ମୁମ୍ବାଇ: ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଓ ବଲିଉଡର ଆଗ ଧାଡିର ଅଭିନେତ୍ରୀ ଅନୁଷ୍କା ଶର୍ମାଙ୍କୁ ଇଣ୍ଡଷ୍ଟ୍ରିର ପାଓ୍ୱାର ଫୁଲ ଦମ୍ପତି କୁହାଯାଏ । ଉଭୟ ଉଭୟଙ୍କ କ୍ଷେତ୍ରରେ ନିଜର ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି । ଏହି ଦୁଇ ସେଲିବ୍ରେଟିଙ୍କ ଜୀବନ ଏତେ ବ୍ୟସ୍ତବହୁଳ ଥାଏ କି ଉଭୟ ଏକାଠି ଦେଖା ବି କରିପାରନ୍ତି ନାହିଁ । ଏହି ଦୁଇ ସେଲିବ୍ରେଟିଙ୍କ ସିକ୍ୟୁରିଟି କିଏ ସମ୍ଭାଳୁଛନ୍ତି ଆପଣ ଜାଣିଛନ୍ତି କି? ସିକ୍ୟୁରିଟି ସମ୍ଭାଳୁଥିବା ବଡିଗାର୍ଡଙ୍କ ଦରମା କେତେ ଆପଣ ଜାଣିଛନ୍ତି କି ?

ଏକ ରିପୋର୍ଟ ଅନୁସାରେ ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ସିକ୍ୟୁରିଟି ସମ୍ଭାଳୁଛନ୍ତି ପ୍ରକାଶ ସିଂ ଓରଫ ସୋନୁ । ଏହି ପାଓ୍ୱାର ଫୁଲ ଦମ୍ପତି ଦେଶରେ ରୁହନ୍ତୁ କିମ୍ବା ବିଦେଶରେ ସୋନୁ ସବୁବେଳେ ତାଙ୍କ ପାଖରେ ଛାଇ ପରି ରହିଥାନ୍ତି । ବିରାଟ ଓ ଅନୁଷ୍କା ସୋନୁଙ୍କୁ ମୋଟା ଅଙ୍କର ଦରମା ଦେଇଥାନ୍ତି । ସୋନୁଙ୍କୁ ବିରାଟ-ଅନୁଷ୍କା ବର୍ଷକୁ ୧.୨ କୋଟି ଟଙ୍କା ଦେଇଥାନ୍ତି । ଏତିକି ଟଙ୍କା କିଛି କମ୍ପାନୀର ସିଇଓ ମଧ୍ୟ ପାଉନାହାନ୍ତି ଯେତିକି ଟଙ୍କା ପାଉଛନ୍ତି ବିରୁଷ୍କାଙ୍କ ବଡିଗାର୍ଡ । ଅନୁଷ୍କା ଶର୍ମା ତାଙ୍କ ବଡିଗାର୍ଡଙ୍କ ଜନ୍ମଦିନ ମଧ୍ୟ ପ୍ରତିବର୍ଷ ପାଳନ କରିଥାନ୍ତି । ଅନୁଷ୍କା ଶର୍ମା ସୋନୁଙ୍କୁ ତାଙ୍କ ପରିବାରର ସଦସ୍ୟ ପରି ଭାବନ୍ତି । ବିରାଟ କୋହଲିଙ୍କୁ ମଧ୍ୟ ସିକ୍ୟୁରିଟି ଦେଇଥାନ୍ତି ସୋନୁ ।