ଅନୁପମା ଫେମ୍ ନିତେଶ ପାଣ୍ଡେଙ୍କ ପରଲୋକ

ମୁମ୍ବାଇ: ଅନୁପମା ଫେମ୍ ନିତେଶ ପାଣ୍ଡେଙ୍କ ପରଲୋକ ହୋଇଛି ।  ୫୧ ବର୍ଷ ବୟସରେ ହୃଦଘାତରେ ମୃତ୍ୟୁ ସୂଚନା। ମୁମ୍ବାଇର ଇଗତପୁରୀରେ ତାଙ୍କର ଦେହାନ୍ତ ହୋଇଛି ।

ନିତେଶଙ୍କ ମୃତ୍ୟୁରେ ଟେଲିଭିଜନ ଦୁନିଆରେ ଶୋକର ଛାୟା ଖେଳିଯାଇଛି । ଗତ ୨୫ ବର୍ଷ ଧରି ସେ ଟେଲି ଦୁନିଆର ଜଣେ ଲୋକପ୍ରିୟ ଚେହେରା ଥିଲେ । ହସ ହସ ଚେହେରାର ଜଣେ ବ୍ୟକ୍ତି ଏମିତି ହଟାତ୍ ଚାଲିଯିବେ, ସେନେଇ କେହି ବିଶ୍ୱାସ କରିପାରୁନାହାଁନ୍ତି ।

ତେବେ ଅନୁପମା ଶୋ’ର ଲିଡ୍ ଆକ୍ଟର ସୁଧାଂଶୁ ପାଣ୍ଡେ ଏହି ଦୁଃଖଦ ଖବର ସମ୍ପର୍କରେ ସୂଚନା ଦେଇଛନ୍ତି । ଦୁହେଁ ୱେବ ସିରିଜ୍, ଫିଲ୍ମ ଓ ଓଟିଟି ପ୍ଲାଟଫର୍ମରେ ଏକାଠି କାମ କରିଛନ୍ତି । କିଛି ସମୟ ପୂର୍ବରୁ ଦୁହେଁ ସୁଟିଂ ସେଟରେ ଦେଖାହୋଇଥିଲେ ବୋଲି କହିଛନ୍ତି ସୁଧାଂଶୁ ।

ନିତିଶ ୧୯୯୦ରେ ନିଜର କ୍ୟାରିୟର ଆରମ୍ଭ କରିଥିଲେ । ସେ ଅନେକ ହିନ୍ଦୀ ଫିଲ୍ମ ଓ ଟିଭି ଶୋରେ ମଧ୍ୟ କାମ କରିଛନ୍ତି । ଓମ୍ ଶାନ୍ତି ଓମ ଫିଲ୍ମରେ ସେ ଶାହରୁଖଙ୍କ ଆସିଷ୍ଟାଣ୍ଟ ଭାବେ ରୋଲ୍ ପ୍ଲେ କରିଥିଲେ ।