ଠକ, ଧୋକ୍କାବାଜ ନେତା ପରସ୍ପରର ସମର୍ଥନରେ ବାହାରିଛନ୍ତି: ଅନୁଭବ ପଟ୍ଟନାୟକ

ଭୁବନେଶ୍ୱର: ପୁଣି ସୌମ୍ୟଙ୍କୁ ଟାର୍ଗେଟ୍ କଲେ ଅନୁଭବ ପଟ୍ଟନାୟକ । ବନ୍ୟା ଆସିଲେ ସାପ ବେଙ୍ଗ ଏକାଠି ହେଲା ଭଳି ଅବସ୍ଥା । ଠକ, ଧୋକ୍କାବାଜ ନେତା ପରସ୍ପରର ସମର୍ଥନରେ ବାହାରିଛନ୍ତି ବୋଲି କହିଛନ୍ତି ଅନୁଭବ । ମହମ୍ମଦ ମୋକିମ୍ ଋଣ ଜାଲିଆତି ମାମଲାରେ ଫସିଥିଲେ । ମେଟ୍ରୋ ବିଲଡର MD ଥିବା ବେଳେ ମହମ୍ମଦ ମୋକିମ୍ ଫସିଥିଲେ । ନିକଟରେ ତାଙ୍କୁ ଭିଜିଲାନ୍ସ କୋର୍ଟ ୩ବର୍ଷ ଜେଲ ଦଣ୍ଡାଦେଶ ଶୁଣାଇଥିଲେ। ବ୍ଲାକମେଲର ନେତାଙ୍କ ସମର୍ଥନରେ ବାହାରିବା କିଛି ଅସ୍ବାଭାବିକ ନୁହେଁ । ଠିକ୍ ସେହିପରି ନିଜ ସଂସ୍ଥା ଜରିଆରେ ଋଣ ଜାଲିଆତି କରୁଥିଲେ ସୌମ୍ୟ ପଟ୍ଟନାୟକ ।

ଏନେଇ ମାମଲା ରୁଜ୍ଜୁ ହେବା ପରେ EOW ତଦନ୍ତ କରୁଛି । ହେଲେ ସୌମ୍ୟଙ୍କ ସମର୍ଥନରେ ମହମ୍ମଦ ମୋକିମ୍ ବାହାରି ଓକିଲାତି କରୁଛନ୍ତି । ଚାକିରି ନାଁରେ ଲୋକଙ୍କୁ ଠକିଥିବା ପ୍ରଦୀପ ମଧ୍ୟ ଏହି ତାଲିକାରେ ଅଛନ୍ତି । ଜେଲ ଯାଇ ଆସିଛନ୍ତି, ଜାଲିଆତି କରିଥିବା ସୌମ୍ୟଙ୍କୁ କରୁଛନ୍ତି ସମର୍ଥନ । ୩ଜଣ ଜାଣିଛନ୍ତି, ନିଜକୁ ବଞ୍ଚେଇବାକୁ ହେଲେ ସମର୍ଥନ କରିବା ଦରକାର । ପରସ୍ପରର ଅପକର୍ମ ଲୁଚାଇବାକୁ ଏମାନଙ୍କ ଭିତରେ ଅଲିଖିତ ବୁଝାମଣା ହୋଇଛି । ଠକ ନେତାଙ୍କୁ ଠିକଣା ସମୟରେ ଉଚିତ ଜବାବ ଦେବେ ଓଡ଼ିଶାବାସୀ ।

ସେହିପରି ସୌମ୍ୟ ଜଣେ ସୁବିଧାବାଦୀ ଓ ସ୍ବାର୍ଥୀ ନେତା । ସ୍ବାର୍ଥ ହାସଲ କରିବାକୁ ସେ କିଛି ବି କରିପାରନ୍ତି । ନିଜ ବ୍ୟବସାୟକୁ ଆଗକୁ ବଢ଼ାଇବା ପାଇଁ କର୍ମଚାରୀଙ୍କୁ ସୌମ୍ୟ ବ୍ୟବହାର କରିଛନ୍ତି । ଅନେକ ବର୍ଷ ଧରି ସେ କର୍ମଚାରୀଙ୍କ ନାଁରେ ବ୍ୟାଙ୍କରୁ ଋଣ ଆଣି ନିଜ ବ୍ୟବସାୟ ବଢ଼ାଉଥିଲେ । କର୍ମଚାରୀଙ୍କ ନାଁରେ ବେଆଇନ ଭାବେ ଋଣ ନେଉଥିଲେ । ଆଗକୁ ସୌମ୍ୟଙ୍କ ବିରୋଧରେ ଆହୁରି ଠକେଇ ପଦାକୁ ଆସିବ ବୋଲି ଅନୁଭବ କହିଛନ୍ତି । ସୌମ୍ୟ ପଟ୍ଟନାୟକ ସବୁବେଳେ ସ୍ବାର୍ଥ ହାସଲ କରିବାକୁ ଦଳ ବଦଳ କରିଛନ୍ତି ।

ସ୍ବାର୍ଥ ପାଇଁ ଅନେକ ଦଳରୁ ତଡ଼ା ଖାଇଛନ୍ତି । ଜୀବନରେ କେବେ ବିଧାୟକ କି ରାଜ୍ୟସଭା ସାଂସଦ ହୋଇ ପାରିନଥାନ୍ତେ ସୌମ୍ୟରଞ୍ଜନ। ବିଜେଡି ଆଶୀର୍ବାଦରେ ସେ ସାଂସଦ ଓ ପରେ ବିଧାୟକ ହେଲେ । ହେଲେ ମନ୍ତ୍ରୀ ନହେବାରୁ ଏବେ ରକ୍ତ ଚାଉଳ ଚୋବାଉଛନ୍ତି । ବିଜେଡିରେ ରହି ମିଛ ଖବର ଲେଖି ବ୍ଲାକମେଲ କରୁଛନ୍ତି । ଏବେ ତାଙ୍କ ବିରୋଧରେ ସତ ଖବର ସାମ୍ନାକୁ ଆସିଲା ପରେ ତାଙ୍କୁ ଆଉ ସହ୍ୟ ହେଉନି । ଖଣ୍ଡପଡ଼ାବାସୀ, ରାଜ୍ୟବାସୀ ଓ ନିଜ କର୍ମଚାରୀଙ୍କୁ ମଧ୍ୟ ସୌମ୍ୟ ଠକିଛନ୍ତି ବୋଲି ଅନୁଭବ କହିଛନ୍ତି ।