ସ୍ବରା କହିଲେ ହିନ୍ଦୁ ବୋଲି ମୁଁ ଲଜ୍ଜିତ: ଲୋକେ କହିଲେ ହିନ୍ଦୁ ଧର୍ମ ଛାଡ଼ିଦିଅ

ଗୁରୁଗ୍ରାମ: ସୋସିଆଲ ମିଡ଼ିଆରେ ପୁଣି ଟ୍ରୋଲ ହେଉଛନ୍ତି ସ୍ବରା ଭାସ୍କର । ହିନ୍ଦୁ ଧର୍ମ ବିରୋଧରେ କରିଥିବା ବିବାଦୀୟ ପୋଷ୍ଟକୁ ନେଇ ସୋସିଆଲ ମିଡିଆ ୟୁଜର୍ସ ଖପ୍ପା । ଟ୍ରୋଲ କରି କହିଲେ ହିନ୍ଦୁ ଧର୍ମ ଛାଡ଼ିଦିଅ । ଗୁରୁଗ୍ରାମର ଏକ ଭାଇରାଲ ଭିଡିଓକୁ ନେଇ ସ୍ବରା ପୋଷ୍ଟ କରି ହିନ୍ଦୁ ବୋଲି ଲଜ୍ଜିତ ଲେଖିଥିଲେ ।

ସୂଚନାଯୋଗ୍ୟ, ଗୁରୁଗ୍ରାମର ସେକ୍ଟର-ଏରେ ଏକ ସାଧାରଣ ସ୍ଥାନରେ ମୁସଲିମ ସମୁଦାୟର କିଛି ଲୋକ ନଜାମ ପଢ଼ୁଥିଲେ । ଏହି ସମୟରେ ବଜରଙ୍ଗ ଦଳର କିଛି ଲୋକ ସେଠାରେ ପହଞ୍ଚି ଜୟଶ୍ରୀ ରାମ ସ୍ଲୋଗାନ ଦେଇଥିଲେ । ଯାହାକୁ ନେଇ ସେଠାରେ ଉତ୍ତେଜନାପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଥିଲା ।

As a Hindu I’m ashamed! https://t.co/26OfIqTeHO

— Swara Bhasker (@ReallySwara) October 22, 2021

ସ୍ବରାଙ୍କ ପୋଷ୍ଟ ପରେ ସୋସିଆଲ ମିଡ଼ିଆରେ ପ୍ଲାଟଫର୍ମରେ ସ୍ବରାଙ୍କୁ ଭୟଙ୍କର ଟ୍ରୋଲର ଶିକାର ହେବାରେ ଲାଗିଛନ୍ତି । ଏକିତିକି ବହୁ ସୋସିଆଲ ମିଡ଼ିଆ ୟୁଜର୍ସ ହିନ୍ଦୁ ଧର୍ମ ଛାଡି ଦେବାକୁ କହି ସ୍ବରାଙ୍କୁ ଟ୍ରୋଲ କରିଛନ୍ତି । ଜଣେ ୟୁଜର୍ସ ଲେଖିଛନ୍ତି, ‘ଦିଦି ଏହି ଟ୍ବିଟ୍ ପାଇଁ କେତେ ମିଳିଛି ।’

ପୂର୍ବରୁ ଆଫଗାନୀସ୍ତାନରେ ତାଲିବାନ ଶାସନ ଫେରିବା ପରେ ହିନ୍ଦୁତ୍ବକୁ ନେଇ ଟ୍ବିଟ୍ କରି ଭୟଙ୍କର ଟ୍ରୋଲର ସମ୍ମୁଖୀନ ହୋଇଥିଲେ ସ୍ବରା ।