୧୧ ଦିନରେ ଆନ୍ଦୋଳନ, ପ୍ରତିରୋଧ ପାଇଁ ପୋଲିସର ମକଡ୍ରିଲ

ନୂଆଦିଲ୍ଲୀ: ରାଜପଥରେ ଜାରି ରହିଛି ଅହରାତ୍ର ଆନ୍ଦୋଳନ । ୧ ଦିନର ପ୍ରତିବାଦ ପହଁଚିଲାଣି ୧୧ ଦିନରେ । ନୂତନ କୃଷି ଆଇନରେ ପରିବର୍ତ୍ତନ ସହ ଏମଏସମିକୁ ସ୍ଥାୟିତ୍ୱ କରିବା ଦାବିରେ ନିଜ ଜିଦରେ ଅଟଳ ଚାଷୀ । ସରକାର-ଚାଷୀଙ୍କ ମଧ୍ୟରେ ପାଞ୍ଚ-ପାଞ୍ଚ ଥରର ବୈଠକ ପରେ ମଧ୍ୟ ବାହାରିପାରି ନାହିଁ ନିଷ୍କର୍ସ । ଦିଲ୍ଲୀ-ହରିଆଣା ସ୍ଥିତ ସିନ୍ଧୁ ସୀମାରେ ବସିରହିଛନ୍ତି ହଜାର ହଜାର ଚାଷୀ । ସେପଟେ ଗାଜୀପୁର ବର୍ଡର, ଟିକିରି ବର୍ଡର ଏବଂ ବୁରାଡି ଗ୍ରାଉଣ୍ଡରେ ବି କୃଷକ ସଂଗଠନର ଜାରି ରହିଛି ଆନ୍ଦୋଳନ ।

ଆସନ୍ତା ୯ ତାରିଖରେ ଚାଷୀ ପ୍ରତିନିଧି ମଣ୍ଡଳୀ ଏବଂ ସରକାରର ଷଷ୍ଠ ପର୍ଯ୍ୟାୟ ବୈଠକ ବାକିଥିବାବେଳେ ଏହା ପୂର୍ବରୁ ଭାରତ ବନ୍ଦର ଘୋଷଣା କରିଛି ସଂଗଠନ । ଅନ୍ୟପଟେ ସିନ୍ଧୁ ସୀମାରେ ଶହସ୍ରାଧିକ ଚାଷୀଙ୍କ ପ୍ରତିବାଦକୁ ଦୃଷ୍ଟିରେ ରଖି ପୋଲିସ ଫୋର୍ସ ବଢାଇଛି ପ୍ରଶାସନ । ଯଦି ଆନ୍ଦୋଳନରତ କୃଷକ ଆଗାମୀ ଦିନରେ ଦିଲ୍ଲୀ ଅଭିମୁଖେ ଗସ୍ତ କରିବେ ତେବେ କର୍ଡନ କରି ଏହାକୁ ରୋକିବାକୁ ପ୍ରୟାସ କରିବ ପୋଲିସ ।

ଚାଷୀ ଆନ୍ଦୋଳନର ଗତିରୋଧ କରିବାକୁ ପୋଲିସ ପକ୍ଷରୁ ଆରଏଏଫ ଟିମ ମୋର୍ଚ୍ଚାର ଆଗରେ ରହିବାକୁ ହୋଇଛି ନିଷ୍ପତି । ସେହିପରି ଆରଏଏଫ ଟିମ ପରେ ବିଏସଏଫ ଟିମ ଦ୍ୱିତୀୟ ପର୍ଯ୍ୟାୟରେ ରହିବ । ଯଦି ପ୍ରତିବାଦ କରୁଥିବା ଚାଷୀ ଆରଏଏଫ ଟିମଙ୍କ ଆକ୍ସନରେ ନଅଟକିଲେ ତେବେ ବିଏସଏଫ ଆକ୍ସନ ନେବାକୁ ହୋଇଛି ଚୂଡ଼ାନ୍ତ ନିଷ୍ପତି । ଏନେଇ ଆଜି ପୋଲିସ ପକ୍ଷରୁ ମର୍କଡିଲ ମଧ୍ୟ କରାଯାଇଛି ।