ବ୍ରାହ୍ମଣ ବିରୋଧୀ ସ୍ଲୋଗାନକୁ ନେଇ ଜେଏନୟୁରେ ବିବାଦ

ନୂଆଦିଲ୍ଲୀ: ଜାତିବାଦକୁ ନେଇ ପୁଣି ବିବାଦରେ ଜେଏନୟୁ । କ୍ୟାମ୍ପସ ଭିତରେ ବ୍ରାହ୍ମଣ ବିରୋଧୀ ସ୍ଲୋଗାନକୁ ନେଇ ନୂଆ ବିବାଦ ସୃଷ୍ଟି ହୋଇଛି । ଦିଲ୍ଲୀସ୍ଥିତ ଜବାହରଲାଲ ନେହେରୁ ବିଶ୍ବବିଦ୍ୟାଳୟର ଶ୍ରେଣୀଗୃହ କାନ୍ଥରେ ବିବାଦୀୟ ପୋଷ୍ଟର ଲଗାଯାଇଛି । କଲେଜର ଭାଷା ଓ ସାହିତ୍ୟ ବିଭାଗର ଶ୍ରେଣୀ କାନ୍ଥ ଓ କେତେଜଣ ଅତିଥି ଅଧ୍ୟାପକଙ୍କ ଚ୍ୟାମ୍ବର ଗେଟ୍ ଆଗରେ ବ୍ରାହ୍ମଣଙ୍କ ପ୍ରତି ଅପମାନ ଜନକ ଶବ୍ଦ ବ୍ୟବହାର କରାଯାଇଛି ।

ବ୍ରାହ୍ଣଣ ଭାରତ ଛାଡ଼ । ବ୍ରାହ୍ମଣମାନଙ୍କୁ କ୍ୟାମ୍ପସ ଛାଡ଼ି ଚାଲିଯିବାକୁ କାନ୍ଥରେ ଉଲ୍ଲେଖ କରାଯାଇଛି । ବିଶ୍ବବିଦ୍ୟାଳୟ କର୍ତ୍ତୃପକ୍ଷ ଏହାକୁ ନିନ୍ଦା କରିବା ସହ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି । ବ୍ରାହ୍ମଣ ପ୍ରଫେସରଙ୍କ ଚାମ୍ବର ଆଗରେ ଏହି ସ୍ଲୋଗାନ ଉଲ୍ଲେଖ କରାଯାଇଛି । ସୋସିଆଲ ମିଡିଆରେ ଏହି ଫଟୋ ଭାଇରାଲ ହେବା ପରେ ଟ୍ୱିଟରରେ ବ୍ରାହ୍ମଣ ଲାଇଫସ ମ୍ୟାଟର ହାସ ଟ୍ୟାଗ୍ ଟ୍ରେଣ୍ଡ କରୁଛି ।