ଚାକିରି ଦେବା କହି ଅଢ଼େଇ ଲକ୍ଷ ଠକିନେଲେ ବିଜେପି ବିଧାୟକ

କୋଲକାତା: ଏମ୍ସରେ ଚାକିରି ନାଁରେ ଠକେଇ । ଗ୍ରୁପ ସି ପାଇଁ ୧୦ ଲକ୍ଷ ଓ ଗ୍ରୁପ ସି ପାଇଁ ୫ଲକ୍ଷ ଦାବି କରୁଛନ୍ତି ବିଜେପି ବିଧାୟକ । ପଶ୍ଚିମବଙ୍ଗ ନଦିଆ ଜିଲ୍ଲା ରାଣାଘାଟ ଥାନାରେ ବିଜେପି ବିଧାୟକ ମୁକୁଟମଣି ଅଧିକାରୀଙ୍କ ନାଁରେ ରୁଜୁ ହୋଇଛି ମାମଲା । ବିଧାୟକ ଆଶାୟୀ ଯୁବକଙ୍କଠାରୁ ଅଢ଼େଇ ଲକ୍ଷ ଟଙ୍କା ନେଇ ଧରାଛୁଆଁ ଦେଉନାହାନ୍ତି ବୋଲି ଅଭିଯୋଗ ହୋଇଛି ।

ଚାକିରି ଆଶାରେ ଯୁବକ ଜଣକ ବିଧାୟକଙ୍କୁ ଅଢ଼େଇ ଲକ୍ଷ ଟଙ୍କା ଦେଇଥିଲେ । ମାତ୍ର ଧାର୍ଯ୍ୟ ସମୟରେ ଚାକିରି ଦେଇନଥିଲେ । ପରେ ଫୋନ୍ କରିବାରୁ ବିଧାୟକ ଉଠାଉ ନଥିବା ବେଳେ, ମେସେଜର ଉତ୍ତର ମଧ୍ୟ ଦେଉ ନଥିବା ଏତଲାରେ ଉଲ୍ଲେଖ କରିଛନ୍ତି ଅଭିଯୋଗକାରୀ । ବିଧାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ସହ ଚାକିରି ପାଇଁ ଦେଇଥିବା ଟଙ୍କା ଫେରି ପାଇବାକୁ ଆଇନର ଦ୍ବାରସ୍ଥ ହୋଇଛନ୍ତି ଆଶାୟୀ ଯୁବକ ।