କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ପୁଣି ନୋଟିସ୍

ନୂଆଦିଲ୍ଲୀ: କଂଗ୍ରେସର ପୂର୍ବତନ ସାଂସଦ ରାହୁଲ ଗାନ୍ଧୀଙ୍କୁ ପୁଣି ନୋଟିସ୍ । ଦିଲ୍ଲୀ ବିଶ୍ୱବିଦ୍ୟାଳୟ ଛାତ୍ରଛାତ୍ରୀଙ୍କୁ ବିଶ୍ୱବିଦ୍ୟାଳୟର କ୍ୟାମ୍ପସ ଭିତରେ ଦେଖା କରିବା ପରେ ରାହୁଲ ଗାନ୍ଧୀଙ୍କୁ ନୋଟିସ ପଠାଯାଇଛି । ପିଜି ଛାତ୍ରଙ୍କ ହଷ୍ଟେଲକୁ ରାହୁଲ ଗାନ୍ଧୀ ଯିବା ସହ ପିଲାଙ୍କ ସହ ଖାଦ୍ୟ ଖାଇଥିଲେ । ବିଶ୍ବବିଦ୍ୟାଳୟର ବିନା ଅନୁମତିରେ କ୍ୟାମ୍ପସ ଭିତରକୁ ପଶିବା ଅପରାଧ ବୋଲି ବିଶ୍ବବିଦ୍ୟାଳୟ ପକ୍ଷରୁ କୁହାଯାଇଛି । ଆଗକୁ ଯେମିତି ଏପରି ନହୁଏ ସେଥିପ୍ରତି ସତର୍କ ହେବାକୁ କୁହାଯାଇଛି । ରାହୁଲ ଗାନ୍ଧୀ ଭେଟିଥିବା ଛାତ୍ରଙ୍କ ସୁରକ୍ଷା ପ୍ରତି ବିପଦ ବୋଲି ବିଶ୍ବବିଦ୍ୟାଳୟ ପକ୍ଷରୁ କୁହାଯାଇଛି । ଛାତ୍ର କଂଗ୍ରେସ ପକ୍ଷରୁ ଏହାକୁ ସମାଲୋଚନା କରାଯିବା ସହ ବିଶ୍ବବିଦ୍ୟାଳୟ ଉପରେ ଚାପ ପଡୁଥିବା ଅଭିଯୋଗ ହୋଇଛି ।