ନିର୍ଭୟା ଦୋଷୀ ମୁକେଶର ଫାଶୀରୁ ବଞ୍ଚିବା ପାଇଁ ପୁଣି ନୂଆ ଚାଲ
ନୂଆଦିଲ୍ଲୀ: ବାରମ୍ବାର ଫାଶୀ ଘୁଞ୍ଚିବା ପରେ ନୂଆ ଡେଥ୍ ଓ୍ୱାରେଣ୍ଟ ଜାରି କରିଛନ୍ତି କୋର୍ଟ । ମାର୍ଚ୍ଚ ୨୦, ଭୋର ୫ଟା ୩୦ରେ ଏକସାଙ୍ଗରେ ୪ଜଣଙ୍କୁ ଦିଆଯିବ ଫାଶୀ । ଏପଟେ ଫାଶୀରୁ ବଞ୍ଚିବାକୁ ନିର୍ଭୟା ଦୋଷୀ ମୁକେଶର ନୂଆ ଚାଲ ।
ଶୁକ୍ରବାର ସୁପ୍ରିମକୋର୍ଟରେ ପୁଣି ଥରେ ଆବଦେନ କରି କୁରେଟିଭ ପିଟିସନ ଦାଖଲ କରିବାକୁ ଗୁହାରି କରିଛି । ମୁକେଶ ପକ୍ଷରୁ ଆଇନଜୀବୀ ଏମ ଏଲ ଶର୍ମା ଏ ଆବଦେନ କରିଛନ୍ତି ।
ମୁକେଶ ନିଜ ଆବଦେନରେ କହିଛି ତାକୁ ଧମକ ଦେଇ ତରବରିଆ ଭାବେ ଆବେଦନ କରିଥିଲେ । ପୂର୍ବତନ ଓକିଲ ବନ୍ଦା ଗ୍ରୋଭର ତାଙ୍କ ଉପରେ ଚାପ ପ୍ରୟୋଗ କରି କ୍ୟୁରେଟିଭ ପିଟିସନ ଦାଖଲ କରିଥିଲେ । ଏଣୁ ପୁନର୍ବାର କ୍ୟୁରେଟିଭ ପିଟିସନ୍ ଦାଖଲ ପାଇଁ ଅନୁମତି ଦେବାକୁ ମୁକେଶ ଅନୁରୋଧ କରିଛି ।
