ରାଜଧାନୀରେ ଆଉଜଣେ ଛାତ୍ରୀଙ୍କ ଆତ୍ମହତ୍ୟା !

ଭୁବନେଶ୍ୱର: ପ୍ରତିଦିନ ବଢୁଛି ଆତ୍ମହତ୍ୟା ମାମଲା  । ଖାସକରି ଯୁବଗୋଷ୍ଠୀ ଆତ୍ମହତ୍ୟା ଭଳି ଚରମ ନିଷ୍ପତ୍ତି ନେଉଛନ୍ତି । କେହି କେହି ପାରିବାରିକ ସମସ୍ୟ ଓ ଆଉ କେହି ଶିକ୍ଷାନୁଷ୍ଠାନରେ ନିର୍ଯାତନାର ଶିକାର ହୋଇ ଆତ୍ମହତ୍ୟା କରୁଛନ୍ତି  । ଗତ ଦୁଇ ଦିନ ତଳେ ବିଜେବି କଲେଜ ଛାତ୍ରୀ ରୁଚିକାଙ୍କ ଆତ୍ମହତ୍ୟା ଘଟଣା କାହା ମନରୁ ଲିଭିନଥିବା ବେଳେ ଆଉ ଜଣେ ଛାତ୍ରୀଙ୍କ ଆତ୍ମହତ୍ୟା ମାମଲା ସାମ୍ନାକୁ ଆସିଛି  ।

ରାଜଧାନୀରେ ଆଉଜଣେ ଛାତ୍ରୀଙ୍କ ମୃତ୍ୟୁ ଖବର ସମସ୍ତଙ୍କୁ ସ୍ତବ୍ଦ କରିଦେଇଛି । ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି MCA ଛାତ୍ରୀ । ଆଚାର୍ଯ୍ୟବିହାରର ଏକ ଭଡ଼ା ଘରୁ ଝୁଲନ୍ତା ଅବସ୍ଥାରେ ତାଙ୍କର ମୃତଦେହ ଉଦ୍ଧାର କରାଯାଇଛି । ମୃତ ଛାତ୍ରୀ ଜଣକ ହେଲେ ଭଦ୍ରକ ତିହିଡି ଅଞ୍ଚଳର ଆଶ୍ରିତା ସେନାପତି । ଆତ୍ମହତ୍ୟା କାରଣ ଅସ୍ପଷ୍ଟ ଥିବା ବେଳେ ଏକ ଘରୋଇ ଇଞ୍ଜିନିୟରିଂ କଲେଜ ପ୍ରଥମ ବର୍ଷ ଛାତ୍ରୀ ଥିଲେ ଆଶ୍ରିତା ।

ସହିଦନଗର ଥାନା ପୋଲିସ ମୃତ ଦେହ ଜବତ କରି ପୋଷ୍ଟ ମୋର୍ଟମ କରି ପରିବାର ଲୋକଙ୍କୁ ହସ୍ତାନ୍ତର କରିଛି । ଭଡାଘରୁ ଏକ ସୁସାଇଡ଼ ନୋଟ ଜବତ କରିଛି ପୋଲିସ । ମୃତ୍ୟୁର ପ୍ରକୃତ କାରଣ କଣ ସେନେଇ ତଦନ୍ତ ଜାରି ରଖିଛି ପୋଲିସ  ।