୧୩ ଅଗଷ୍ଟରେ ଆଉ ଏକ ଲଘୁଚାପ ! ୨୪ ଘଣ୍ଟାରେ ହେବ ଘନୀଭୂତ

ଭୁବନେଶ୍ୱର: ସରିନି ବର୍ଷା । ଆସୁଛି ଆଉ ଏକ ବଡ଼ ଲଘୁଚାପ। ୧୩ ଅଗଷ୍ଟ ବେଳକୁ ଉତ୍ତର ବଙ୍ଗୋପସାଗର ଅଞ୍ଚଳରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି। ପରବର୍ତ୍ତୀ ୨୪ ଘଣ୍ଟାରେ ଏହା ଆହୁରି ଘନୀଭୂତ ହେବା ସହ ପଶ୍ଚିମ -ଉତ୍ତର ପଶ୍ଚିମ ଦିଗରେ ଗତି କରିବା ସମ୍ଭାବନା ରହିଛି । ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ଟ୍ୱିଟ୍‌ କରି ଏହି ସୂଚନା ଦିଆଯାଇଛି।

ତେବେ ପାଣିପାଗ ବିଭାଗ ସୂଚନା ମୁତାବକ ଅଗଷ୍ଟ ୧୧ ଓ ୧୨ ତାରିଖ ବେଳକୁ ରାଜ୍ୟରେ ବର୍ଷାର ପରମାଣ କମିବ। କିନ୍ତୁ ଅଗଷ୍ଟ ୧୩ ତାରିଖ ବେଳକୁ ରାଜ୍ୟରେ ବର୍ଷାର ପରିମାଣ ପୁଣି  ବଢ଼ିବ।

ଆସୁଛି ଆଉ ଏକ ଲଘୁଚାପ !!!

୧୩ ଅଗଷ୍ଟ ବେଳକୁ ଉତ୍ତର ବଙ୍ଗୋପସାଗର ଅଞ୍ଚଳରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି, ଏବଂ ସୃଷ୍ଟି ହେବାର ପରବର୍ତ୍ତୀ ୨୪ ଘଣ୍ଟାରେ ଏହା ଆହୁରି ଘନୀଭୂତ ହେବା ସହ ପଶ୍ଚିମ-ଉତ୍ତର ପଶ୍ଚିମ ଦିଗରେ ଗତି କରିବାର ସମ୍ଭାବନା ରହିଛି pic.twitter.com/qPbBDwqC0v

— Meteorological Centre, Bhubaneswar (@mcbbsr) August 10, 2022

ସେପଟେ ଅବପାତ ଏବଂ ସକ୍ରିୟ ମୌସୁମୀ ପ୍ରଭାବରେ ଗତ ୨୪ ଘଣ୍ଟାରେ ରାଜ୍ୟରେ ୩୩.୪ ମିମି ବର୍ଷ ରେକର୍ଡ କରାଯାଇଛି ଯାହା ସ୍ୱାଭାବିକ ବର୍ଷା ୧୦.୧ ମିମି ତୁଳନାରେ ୨୩୦ ପ୍ରତିଶତ ଅଧିକ ରହିଛି । ଅବପାତ ଛତିଶଗଡ ଏବଂ ପାର୍ଶ୍ଵବର୍ତ୍ତୀ ପୂର୍ବ ମଧ୍ୟପ୍ରଦେଶ ଉପରେ ଦୁର୍ବଳ ହୋଇ ଗୋଟିଏ ସୁଦୃଶ-ଲଘୁଚାପ କ୍ଷେତ୍ର ଭାବେ ସକ୍ରିୟ ରହିଛି । ଡପ୍ଲର ରାଡ଼ାର ପାରାଦ୍ୱୀପରୁ ମିଳୁଥିବା ତଥ୍ୟ ଅନୁଯାୟୀ ଅବପାତ ପ୍ରଭାବରେ ଉପକୂଳ ମୁହାଁ ହେଉଛି ମେଘ ସମୂହ । ପ୍ରଭାବରେ ଉପକୂଳ ଜିଲ୍ଲାରେ ବର୍ଷା ଲାଗି ରହିଛି।