ପୁଣି ମାମଲା ଜାଲରେ ବିଜେପି ସାଂସଦ ଅପରାଜିତା ଷଡ଼ଙ୍ଗୀ, ତେଜିଲା ଗିରଫଦାରୀ ଦାବି

1 min read

ଭୁବନେଶ୍ୱର: ବିଜେପି ସାଂସଦ ଅପରାଜିତା ଷଡ଼ଙ୍ଗୀଙ୍କ ପିଛା ଛାଡୁନି ବିବାଦ । ଲଗାତାର କୋଭିଡ୍‌ ନିୟମ ଉଲ୍ଲଂଘନ କରି ଚାଲିଛନ୍ତି । କୋଭିଡ ନିୟମ ଉଲ୍ଲଂଘନ ଅଭିଯୋଗରେ ବୋଲଗଡ଼ ଥାନାରେ ମାମଲା ରୁଜୁ ହୋଇଛି । ତଥାପି ସୁଧୁରୁ ନାହାନ୍ତି ଅପରାଜିତା । ଭୁଲ୍‌ କରି ଅନୁତାପ ବଦଳରେ ଜନ- ଅଭିଯୋଗ ଶୁଣାଣି କରି ପୁଣି ନିୟମ ଭାଙ୍ଗିଛନ୍ତି । ଖୋର୍ଦ୍ଧା ଆଦର୍ଶ ଥାନାରେ ମଧ୍ୟ ଆଉଏକ ମାମଲା ରୁଜୁ ହୋଇଛି ।

Another FIR Against BJP Bhubaneswar MP Aparajita Sarangi For Violating Covid Norms

ବିଜେପି ସାଂସଦ ଅପରାଜିତା ଷଡ଼ଙ୍ଗୀଙ୍କ ନାଁରେ ମାମଲା । ଜୋର୍‌ ଧରିଲା ଗିରଫ ଦାବି । ଅନୁତାପ କଲେନି ଅପରାଜିତା, ପୁଣି ହେଲେ ଅମାନିଆ । ଭୁବନେଶ୍ୱରରେ କଲେ ଆଉ ଏକ ପବ୍ଲିସିଟି ଷ୍ଟଣ୍ଟ । କୋଭିଡ ନିୟମ ଉଲ୍ଲଂଘନର ବ୍ରାଣ୍ଡ ଆମ୍ବାସଡର ସାଜିଛନ୍ତି ବିଜେପି ସାଂସଦ ଅପରାଜିତା ଷଡ଼ଙ୍ଗୀ । ରାତି ପାହିବା ପୂର୍ବରୁ କୋଭିଡ୍‌ କଟକଣା ଭାଙ୍ଗିବା ପାଇଁ ଯୋଜନା କରୁଛନ୍ତି । ଅମାନିଆ ଅପରାଜିତାଙ୍କ ବିରୋଧରେ ଲମ୍ବି ଚାଲିଛି ନିୟମ ଉଲ୍ଲଂଘନର ତାଲିକା । ଏବେ ପୁଣି ବୋଲଗଡ଼ ଥାନାରେ ଅପରାଜିତାଙ୍କ ନାଁରେ ମାମଲା ରୁଜୁ ହୋଇଛି । ଅପରାଜିତାଙ୍କୁ ଗିରଫ କରିବା ପାଇଁ ଦାବି କରିଛନ୍ତି ଅଭିଯୋଗକାରୀ । ଶନିବାର ଖୋର୍ଦ୍ଧା ଜିଲ୍ଲା ବୋଲଗଡ଼ର ପାଟପୁର ଶାସନ ପଞ୍ଚାୟତରେ କର୍ମୀ ସମ୍ମିଳନୀ କରିଥିଲେ ସାଂସଦ ଅପରାଜିତା ଷଡଙ୍ଗୀ । କୋଭିଡ୍‌ ନିୟମକୁ ନମାନି କର୍ମୀଙ୍କ ସହ ମିଳାମିଶା କରିଥିଲେ । ଏନେଇ ତଦନ୍ତ ସହ ସାଂସଦଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ  ଦାବି ହୋଇଛି ।

Another FIR Against BJP Bhubaneswar MP Aparajita Sarangi For Violating Covid Norms

ଜନ- ଅଭିଯୋଗ ଶୁଣାଣି ନାଁରେ ଭୁବନେଶ୍ୱରରରେ ଆଉ ଏକ ପବ୍ଲିସିଟି ଷ୍ଟଣ୍ଟ କରିଛନ୍ତି ସାଂସଦ ଅପରାଜିତା ଷଡ଼ଙ୍ଗୀ । କର୍ମୀଙ୍କ ମେଳରେ ଲକ୍ଷ୍ମୀସାଗରରେ ଆୟୋଜନ ହୋଇଥିଲା ଜନ- ଅଭିଯୋଗ ଶୁଣାଣି । ମାଳ ମାଳ ବିଜେପି କର୍ମୀ ସାଙ୍ଗକୁ ଶତାଧିକ ଲୋକ । ସାମାଜିକ ଦୂରତା ରଖିବା ପାଇଁ କାନ୍ଥରେ କାଗଜ ଖଣ୍ଡେ ଲଗାଇଦେଲେ । କିନ୍ତୁ ବାସ୍ତବରେ କୋଭିଡ୍‌ ନିୟମକୁ ଦଳି ମକଚି ମାଇଲେଜ ନେବାକୁ ଭୁଲିଲେନି ଅପରାଜିତା । ବାରମ୍ବାର ନିୟମ ଉଲ୍ଲଂଘନ କରୁଥିଲେ ବି ଅନୁତାପ ନାହିଁ, ବରଂ ଅନ୍ୟଙ୍କୁ ଦୋଷ ଦେବାକୁ ପଛାଉନାହାନ୍ତି ସାଂସଦ ଅପରାଜିତା ।

Another FIR Against BJP Bhubaneswar MP Aparajita Sarangi For Violating Covid Norms

ଖୋର୍ଦ୍ଧା ଜିଲ୍ଲାରେ କରୋନା ବଢ଼ିବାରେ ଲାଗିଛି । କରୋନା ନିୟନ୍ତ୍ରଣ ପାଇଁ ସରକାର ବିଭିନ୍ନ ବ୍ୟବସ୍ଥା କରୁଛନ୍ତି । କିନ୍ତୁ ଏହି ସମୟରେ ଅପରାଜିତାଙ୍କ ପବ୍ଲିସିଟି ଷ୍ଟଣ୍ଟ ଲୋକଙ୍କୁ ବିପଦରେ ପକାଇବାର ଆଶଙ୍କା ରହିଛି ।

Leave a Reply