ଉଜୁଡ଼ା କ୍ଷେତ ଦେଖି ଜୀବନ ହାରିଲେ ଆଉ ଜଣେ ଚାଷୀ

ଆଳି: ଅଦିନିଆ ବର୍ଷା ଉଜାଡିଲା ଫସଲ । ସରକାର ତୁଟାଇଲେ ଭରଷା । ପରିବାର ପେଟକୁ ଦାନା ଦେବା ସହ ଋଣ ସୁଝିବାର ଚିନ୍ତା । ଆଗକୁ କ’ଣ କରିବେ କିଛି ଚିନ୍ତା କରିପାରିଲେନି । ଆଉ ମୃତ୍ୟୁକୁ ଆଦରି ନେଲେ ଆଉ ଜଣେ ଚାଷୀ । ଅଦିନିଆ ବର୍ଷାରେ ଫସଲ ଉଜୁଡି ଯିବା ଘଟଣାରେ ଓଡ଼ିଶାରେ ଆଉ ଜଣେ ଚାଷୀ ଜୀବନ ହାରିଛନ୍ତି ।

ଘଟଣା କେନ୍ଦ୍ରାପଡ଼ା ଜିଲ୍ଲା ଆଲି କୋଳଢିଆ ଗାଁରେ । ଫସଲ ଉଜୁଡି ଯିବା ପରେ ଗାଁର ଚାଷୀ କୈଳାସ ଚନ୍ଦ୍ର ଧଳ ଗତ ରାତିରେ ବିଷ ପିଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । କୈଳାସ ୮ ଏକର ଜମିରେ ଧାନଚାଷ କରିଥିଲେ । ହେଲେ ଅମଳ ସମୟରେ ଅଦିନିଆ ବର୍ଷା ତାଙ୍କ ଚାଷକୁ ସମ୍ପୂର୍ଣ୍ଣ ଉଜାଡି ଦେଇଥିଲା ।