କୋଟାରେ ପୁଣି ଜଣେ ଛାତ୍ରଙ୍କ ଆତ୍ମହତ୍ୟା

କୋଟା: ସୁଇସାଇଡ୍ ହବ୍ ପାଲଟିଲାଣି କି ରାଜସ୍ଥାନର କୋଟା। ଆଜି ଚଳିତ ବର୍ଷର ପ୍ରଥମ ଆତ୍ମହତ୍ୟା ଘଟଣା ରେକର୍ଡ ହୋଇଛି । କୋଟାରେ ଜେଇଇ ପାଇଁ ପ୍ରସ୍ତୁତ କରୁଥିବା ଜଣେ ଛାତ୍ର ଆତ୍ମହତ୍ୟା କରିଛନ୍ତି। ଚଳିତ ବର୍ଷ କୋଟାରେ ମେଡିକାଲ ଓ ଇଂଜିନିୟରିଂ ପ୍ରବେଶିକା ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଛାତ୍ରଛାତ୍ରୀଙ୍କ ଏହା ପ୍ରଥମ ଆତ୍ମହତ୍ୟା ଘଟଣା। ଆତ୍ମହତ୍ୟା କରିଥିବା ଛାତ୍ରଜଣକ ହେଉଛନ୍ତି ୧୭ରୁ ୧୮ ବର୍ଷୀୟ ଛାତ୍ର ମହମ୍ମଦ ଜୈଦ।

ମହମ୍ମଦ ଉତ୍ତରପ୍ରଦେଶ ମୋରାଦାବାଦର ବାସିନ୍ଦା। ରାଜସ୍ଥାନ କୋଟାରେ ରହି ସେ ଇଂଜିନିୟରିଂ ପ୍ରବେଶିକ ପରୀକ୍ଷା ଜେଇଇ ମେନ୍ ଲାଗି ପ୍ରସ୍ତୁତ ହେଉଥିଲେ।  ଗତକାଲି ବିଳମ୍ବିତ ରାତ୍ରିରେ ଘଟିଥିଲା ଏ ଅଘଟଣ। କୋଟାର ଜୱାହର ନଗର ଥାନା ଅଂଚଳରେ ଥିବା କୋଚିଂ ସେଣ୍ଟର ହଷ୍ଟେଲରେ ରହୁଥିଲେ ଛାତ୍ର ମହମ୍ମଦ ଜୈଦ। ପୋଲିସକୁ ସୂଚନା ମିଳିବା ପରେ ତୁରନ୍ତ ସେଠାରେ ପହଞ୍ଚି ଛାତ୍ରଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି। ତେବେ ଆତ୍ମହତ୍ୟା କରିଥିବା କୋଠରୀରେ କୌଣସି ସୁଇସାଇଡ୍ ନୋଟ୍ ଉଦ୍ଧାର କରିନାହିଁ ପୋଲିସ।

ସୂଚନାଯାେଗ୍ୟ, ଗତ ବର୍ଷ କୋଟାରେ ମେଡିକାଲ ଏବଂ ଜେଇଇ ପାଇଁ ପ୍ରସ୍ତୁତ ହେଉଥିବା ୨୯ ଛାତ୍ରଛାତ୍ରୀ ଆତ୍ମହତ୍ୟା କରିଥିଲେ। ସାରା ଦେଶରେ ଏଜୁକେସନ ହବ୍ ଭାବେ ପରିଚୟ ପାଇଛି ରାଜସ୍ଥାନର କୋଟା। ହଜାର ହଜାର ସଂଖ୍ୟାରେ ଛାତ୍ରଛାତ୍ରୀ କୋଟାରେ ରହି ମେଡିକାଲ ଏବଂ ଇଂଜିନିୟରିଂ ପାଇଁ ପ୍ରସ୍ତୁତ କରୁଛନ୍ତି।