ରାଜ୍ୟରେ ଆଉ ୮୦୫ଜଣ ସଂକ୍ରମିତ ଚିହ୍ନଟ: ୨୪ ଘଣ୍ଟାରେ ୭ଜଣଙ୍କ ଜୀବନ ନେଲା କରୋନା

1 min read

ଭୁବନେଶ୍ୱର: ରାଜ୍ୟରେ ହ୍ରାସ ପାଉଛି କରୋନା ଜନିତ ମୃତ୍ୟୁ ସଂଖ୍ୟା । ୨୪ ଘଣ୍ଟାରେ ମାତ୍ର ୭ ଜଣଙ୍କ ଜୀବନ ନେଇଛି ମହାମାରୀ । ସେହିପରି ଗୋଟିଏ ଦିନରେ ଚିହ୍ନଟ ହୋଇଛନ୍ତି ଆଉ ୮୦୫ ଜଣ ପଜିଟିଭ୍ । କ୍ୱାରେଣ୍ଟାଇନ୍‌ରୁ ୪୬୭ ଜଣ ଥିବା ବେଳେ, ଲୋକାଲ କେସ୍ ରହିଛି ୩୩୮ । ଜନ୍ମରୁ ୧୮ ବର୍ଷ ମଧ୍ୟରୁ ୧୩୧ ଜଣ ପିଲା ସଂକ୍ରମିତ ହୋଇଛନ୍ତି । ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ୩୪୬ ଜଣ ଥିବା କେଳେ, କଟକରୁ ୯୮ ଓ ଷ୍ଟେଟ ପୁଲରୁ ୮୩ ଜଣ ଅଛନ୍ତି ।

ସେହିପରି ମୟୂରଭଞ୍ଜରୁ ୩୭, କେନ୍ଦ୍ରାପଡ଼ାରୁ ୩୩, ବାଲେଶ୍ୱରରୁ ୩୦, ସମ୍ବଲପୁରରୁ ୨୧, ଯାଜପୁରରୁ ୧୯, ଜଗତସିଂହପୁରରୁ ୧୭, ସୁନ୍ଦରଗଡ଼ରୁ ୧୬, ଭଦ୍ରକରୁ ୧୪, ଅନୁଗୁଳରୁ ୧୩, ପୁରୀରୁ ୧୨, ଢେଙ୍କାନାଳରୁ ୧୧, ନୟାଗଡ଼ରୁ ୧୦, କେନ୍ଦୁଝରୁ ୮, ନବରଙ୍ଗପୁରରୁ ୭, ଗଞ୍ଜାମରୁ ୬, ଦେବଗଡ଼ରୁ ୫, ବରଗଡ଼ରୁ ୫, କୋରାପୁଟରୁ ୪, ବୌଦ୍ଧରୁ ୩, ରାୟଗଡ଼ା, ଝାରସୁଗୁଡ଼ା, ମାଲକାନଗିରିରୁ ୨ ଜଣ ଲେଖାଏଁ, ଗଜପତିରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ୮୨୬ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ସେହିପରି ଆକ୍ଟିଭ୍ କେସ୍ ରହିଛି ୭ ହଜାର ୧୫୮ ।

Opn Commnet Area

Leave a Reply

Your email address will not be published. Required fields are marked *

Close Bitnami banner