ସୁସ୍ଥ ହେଲେ ୫୩ କରୋନା ସଂକ୍ରମିତ, ଗଞ୍ଜାମରୁ ସର୍ବାଧିକ

ଭୁବନେଶ୍ୱର: କରୋନା କାଳରେ ଖୁସି ଖବର । ଆଜି ରାଜ୍ୟରେ ୫୩ ଜଣ କରୋନା ସଂକ୍ରମିତ ଆରୋଗ୍ୟ ଲାଭ କରିଛନ୍ତି । ଏଥିସହ ରାଜ୍ୟରେ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୫୫୦ରେ ପହଞ୍ଚିଛି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।

Another 53 #Covid19 patients have recovered and are being discharged.

30 are from Ganjam,
18 from Jajpur,
3 from Khordha and
2 from Keonjhar.

The total recovered cases of #Odisha now stand at 550.

— H & FW Dept Odisha (@HFWOdisha) May 24, 2020

ଗଞ୍ଜାମରୁ ସର୍ବାଧିକ ୩୦ ଜଣ ସୁସ୍ଥ ହୋଇଥିବା ବେଳେ ଯାଜପୁର ଜିଲ୍ଲାରୁ ୧୮, ଖୋର୍ଦ୍ଧାରୁ ୩ ଓ କେନ୍ଦୁଝରରୁ ୨ ଜଣ ଆରୋଗ୍ୟ ହୋଇଛନ୍ତି । ୫୩ ଜଣ ସୁସ୍ଥ ହେବା ପରେ ଏବେ ରାଜ୍ୟରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୭୭୦କୁ ଖସିଛି । ୭ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ।

ଗତ ୨୪ ଘଣ୍ଟାରେ ରାଜ୍ୟରେ ୬୭ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ଗଞ୍ଜାମ ଜିଲ୍ଲାରୁ ସର୍ବାଧିକ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ତାଲିକାର ଦ୍ୱିତୀୟରେ ରହିଛି ଯାଜପୁର ଜିଲ୍ଲା । ଏବେ ଯାଏଁ ରାୟଗଡ଼ା ଓ ସୁବର୍ଣ୍ଣପୁର ଜିଲ୍ଲାରେ କରୋନା ସଂକ୍ରମିତ ଚିହ୍ନଟ ହୋଇନାହାଁନ୍ତି ।

ସୂଚନାଯୋଗ୍ୟ ଯେ, ରାଜ୍ୟ ସରକାର ଆଜି କୋଭିଡ୍ ନିୟମରେ ପରିବର୍ତ୍ତନ ଆଣିଛନ୍ତି । ଆସନ୍ତାକାଲିଠୁ ବସ୍, ଟ୍ୟାକ୍ସି ସହ ଅଟୋ ଚଳାଚଳ ପାଇଁ ଅନୁମତି ପ୍ରଦାନ କରିଛନ୍ତି । ଏଥିସହ କ୍ୱାରେଣ୍ଟାଇନ୍ ଅବଧିକୁ ୧୪ ଦିନକୁ ହ୍ରାସ କରାଯାଇଛି ।

ସ୍ଥିତି ବିଗାଡ଼ିବେ କି ପଞ୍ଜିକରଣ କରିନଥିବା ପ୍ରବାସୀ ? ଆଶଙ୍କା ବ୍ୟକ୍ତ କଲେ SRC