Bhubaneswar Corona Upates: ୪୦୯ ନୂଆ ସଂକ୍ରମିତ, ୩୪୪ ସୁସ୍ଥ

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ସଂକ୍ରମଣର ମାତ୍ରା କ୍ରମାଗତ ଭାବେ ବଢିବାର ଲାଗିଛି । ଏହି କ୍ରମରେ ଶେଷ ୨୪ ଘଣ୍ଟାରେ ରାଜ୍ୟରେ ୪୦୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୨୪୧ ଜଣ ପୂରୁଣା ସଂକ୍ରମିତଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଛନ୍ତି । ସେହିଭଳି ୧୬୭ ଜଣ ସ୍ଥାନୀୟ ସଂକ୍ରମିତ ବୋଲି ସୂଚନା ମିଳିଛି । ଅନ୍ୟପକ୍ଷରେ ରାଜଧାନୀରେ ଆଜି ୩୪୪ଲ ଜଣ ସୁସ୍ଥ ହୋଇଛନ୍ତି । ସୁସ୍ଥତା ହାର ଭୁବନେଶ୍ୱରରେ କ୍ରମାଗତ ବଢୁଥିଲେ ମଧ୍ୟ ସଂକ୍ରମଣ ଉପରେ ରୋକ୍ ନଲାଗି ବିଏମସି ପାଇଁ ଚିନ୍ତା ବଢାଉଛି ।

Update on newly detected & cured #COVID19 cases in the last 24 hrs under the BMC area on 5th Sep 2020(till 9am).

Further contact tracing is still continuing.
Primary contacts & nearby houses are being quarantined, sanitized & will be under active surveillance. pic.twitter.com/PGsuiOWZHo

— BMC (@bmcbbsr) September 5, 2020

ତେବେ ଏବେ କରୋନାଜନିତ କଟକଣା ପ୍ରାୟତଃ ଶେଷ ହେବାକୁ ବସିଲାଣି । ଏଣୁ ରାଜଧାନୀରେ କ୍ରମାଗତ ଭାବେ ଗହଳି  ବଢିବାରେ ଲାଗିଛି । ଆଗାମୀ ସମୟରେ ଆହୁରି ମଧ୍ୟ ବଢିବ । ଏଣୁ ବିଏମସି କିଭଳି ଭାବେ ରାଜଧାନୀରେ ସଂକ୍ରମଣର ପ୍ରଖର ଗତିକୁ ରୋକିବ ସେନେଇ ଅନୁଶୀଳନ କରୁଛି । ଗତକାଲିର ପ୍ରେସମିଟରେ ବିଏମସି କମିଶନର ରାଜଧାନୀର ଲୋକଙ୍କ ମଧ୍ୟରେ ଆଣ୍ଟିବଡ଼ିର ମାତ୍ରା ବଢୁଥିବା କଥା କହିଥିଲେ ।

ଅର୍ଥାତ୍ ସଂକ୍ରମଣ ରୋକିବା ସମ୍ଭବ ହେଉନଥିବା ହେତୁ ଲୋକେ କରୋନା ସଂକ୍ରମଣର ଶୀକାର ହୋଇ ସୁସ୍ଥ ହେବାରେ ଲାଗୁଛନ୍ତି । ରାଜଧାନୀରେ ଏବ ୨ୟ ପ୍ରର୍ଯ୍ୟାୟ ସେରୋ ସର୍ଭେଲାନ୍ସ ଟେଷ୍ଟ ମଧ୍ୟ କାର୍ଯକାରୀ ହୋଇଛି । ଅର୍ଥାତ୍ ଭୁବନେଶ୍ୱରରେ ସଂକ୍ରମଣର ମାତ୍ରାକୁ ଜାଣିବା ପାଇଁ ବିଏମସି ଉଦ୍ୟମ କରୁଛି । ସଂକ୍ରମଣ ମାତ୍ରା ଜାଣିବାରେ ସକ୍ଷମ ହେବା ପରେ ହିଁ ବିଏମସି ଭୁବନେଶ୍ୱ ପାଇଁ ସ୍ୱତନ୍ତ୍ର ପଦକ୍ଷେପ ନେଇପାରେ । ଉଲ୍ଲେଖଯୋଗ୍ୟ ଯେ, ରାଜଧାନୀ ୧୨ହଜାର ୮୧୨ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୭୮୬୭ ଜଣ ସୁସ୍ଥ ହୋଇଛନ୍ତି । ସେହିଭଳି ଏବେ ସକ୍ରିୟ ସଂକ୍ରମିତଙ୍କ ସଂଖ୍ୟା ୪୮୮୬ ରହିଛି । ୪୭ ଜଣ କରୋନା ସଂକ୍ରମଣରେ ମୃତ ହୋଇଛନ୍ତି ।