ନାମାଙ୍କନ ଭରିଲେ ମାହାଙ୍ଗା ବିଜେଡି ବିଧାୟକ ପ୍ରାର୍ଥୀ ଅଙ୍କିତ ପ୍ରତାପ ଜେନା

ନନ୍ଦିଘୋଷ ବ୍ୟୁରୋ: ମାହାଙ୍ଗା ନିର୍ବାଚନ ମଣ୍ଡଳୀରେ ନାମାଙ୍କନ ଦାଖଲ କଲେ ବିଜେଡି ବିଧାୟକ ପ୍ରାର୍ଥୀ ଅଙ୍କିତ ପ୍ରତାପ ଜେନା । ଅଙ୍କିତ ତାଙ୍କ ବାପା ବିଧାୟକ ପ୍ରତାପ ଜେନା ଓ ଶତାଧିକ ସମର୍ଥକ ମାନଙ୍କ ଗହଣରେ ଯାଇ ନାମାଙ୍କନ ପତ୍ର ଦାଖଲ କରିଛନ୍ତି । ରାଜ୍ଯ ସରକାରଙ୍କ ପ୍ରଚେଷ୍ଟାରେ ମାହାଙ୍ଗାରେ ସର୍ବାଙ୍ଗୀନ ବିକାଶ ହୋଇଛି । ବିକାଶ କ୍ଷେତ୍ରରେ ମୁଖ୍ୟମନ୍ତ୍ରୀଙ୍କ ପଦକ୍ଷେପକୁ ଅଞ୍ଚଳବାସୀ ଅନୁଭବ କରିଛନ୍ତି । ତେଣୁ ମାହାଙ୍ଗାରେ ତାଙ୍କର ଏକ ତରଫା ବିଜୟ ହେବ ବୋଲି ଅଙ୍କିତ କହିଛନ୍ତି । ମୁଖ୍ୟମନ୍ତ୍ରୀଙ୍କ ପ୍ରତିଟି ଯୋଜନା ଲୋକଙ୍କ ହିତ ସାଧନ କରିଥିବା ବେଳେ ବିଏସକେୱାଇ ଗରିବ ଓ ଅସହାୟଙ୍କ ପାଇଁ ବରଦାନ ସାଜିଛି ।