ପାକିସ୍ତାନରେ ଥିବା ଅଞ୍ଜୁଙ୍କ ପ୍ରତିକ୍ରିୟା, କହିଲେ ଗୁମର କଥା

ଇସଲାମବାଦ: ଭାରତୀୟ ମହିଳା ଅଞ୍ଜୁ ପାକିସ୍ତାନରେ ନସରୁଲ୍ଲାଙ୍କୁ ନିକାହ କରିବା ପରେ ଫାତିମା ବନି ଯାଇଛନ୍ତି । ନିକଟରେ ପାକିସ୍ତାନକୁ ପ୍ରଂଶସା କରି ଏକ ଭିଡିଓ ପୋଷ୍ଟ କରିଥିଲେ ଅଞ୍ଜୁ । ଏପରିକି ସେ ପାକିସ୍ତାନର ସ୍ବାଧୀନତା ଦିବସ ମଧ୍ୟ ପାଳିଥିବାର ଚିତ୍ର ନଜରକୁ ଆସିଥିଲା । ଯାହାକି ସୋସିଆଲ ମିଡିଆରେ ବେଶ ଭାଇରାଲ ହେବା ସହ ଭାରତୀୟ ୟୁଜର୍ସମାନେ ତାଙ୍କୁ ଟ୍ରୋଲ କରିଥିବା ଦେଖିବାକୁ ମିଳିଛି । ଅଞ୍ଜୁଙ୍କୁ ନେଇ ଗଣମାଧ୍ୟମରେ ପ୍ରତିଦିନ ନୂଆ ନୂଆ ଖବରମାନ ପ୍ରସାରଣ କରାଯାଉଛି । ଯାହାକୁ ନେଇ ଏକ ଜାତୀୟ ଗଣମାଧ୍ୟମକୁ ପ୍ରତିକ୍ରିୟା ଦେଇଛନ୍ତି ଅଞ୍ଜୁ ।

ମୁଁ ଦେଶ ଦେ୍ରାହୀ ନୁହେଁ । ମୋ ସମ୍ପର୍କରେ ଭାରତୀୟ ଗଣମାଧ୍ୟମରେ ଭୁଲ ଖବରମାନ ପ୍ରସାରଣ କରାଯାଉଛି । ମୁଁ ଜଣେ ମଣିଷ କାହାର ଶତ୍ରୁ ନୁହେଁ । ଭାରତରେ ଲୋକମାନେ ଭାବୁଛନ୍ତି କି, ମୁଁ ପାକିସ୍ତାନ ଆସିବା ପରେ ପାକିସ୍ତାନକୁ ପ୍ରଂଶସା କରୁଛି । ବାସ୍ତବରେ କିନ୍ତୁ ଏଠାକାର ଲୋକ ବହୁତ ଭଲ । ସେମାନେ ମୋର କୌଣସି କ୍ଷତି କରୁନାହାନ୍ତି । ମୁଁ ଭାରତକୁ ମଧ୍ୟ ଭଲପାଏ । ମୁଁ ମୋର ପାକିସ୍ତାନୀ ସ୍ବାମୀ ନସରୁଲ୍ଲାଙ୍କ ସହ ଭାରତ ଯିବାକୁ ଚାହେଁ । ଭାରତୀୟ ଗଣମାଧ୍ୟମକୁ ଏତିକି ଅନୁରୋଧ କରେ କି, ମୋ ସମ୍ପର୍କରେ ଦୟାକରି ଭୁଲ ଖବର ପ୍ରସାରଣ କରନ୍ତୁ ନାହିଁ ।