ଗୋଟିଏ ଇନିଂସରେ ୧୦ ଓ୍ବିକେଟ ନେଇଥିବା ବୋଲର, ଜନ୍ମଦିନରେ ଜାଣନ୍ତୁ ଅନିଲ କୁମ୍ବଲେଙ୍କ ସମ୍ପର୍କରେ ଅଜଣା କଥା

ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ଅଲିଲ କୁମ୍ବଲେଙ୍କ ଆଜି ହେଉଛି ଜନ୍ମଦିନ । ୫୩ ବର୍ଷରେ ପାଦ ଥାପିଛନ୍ତି ଏହି କିମ୍ବଦନ୍ତୀ କ୍ରିକେଟର । ବାଙ୍ଗାଲୋରରେ ଜନ୍ମିତ କୂମ୍ବଲେ ଭାରତୀୟ କ୍ରିକେଟ ଦଳକୁ ଅନେକ ବିଜୟ ଦେଇଛନ୍ତି । ଗୋଟିଏ ଇଂନିଂସରେ ୧୦ ଓ୍ବିକେଟ ଅକ୍ତିଆର କରିଥିବାର ରେକର୍ଡ ରହିଛି । କୁମ୍ବଲେଙ୍କ ଏଭଳି ରେକର୍ଡ ରହିଛି ଯାହାକି ଧୋନି ମଧ୍ୟ ଆଜି ପର୍ଯ୍ୟନ୍ତ କରି ପାରିନାହାନ୍ତି । ଏବେକାର ଅରୁଣ ଜେଟଲି ଷ୍ଟାଡିୟମ ଯାହାକି ପୂର୍ବରୁ ଫିରୋଜ ଶାହା କୋଟଲା ନାମରେ ରହିଥିଲା । ପାକିସ୍ତାନ ବିପକ୍ଷ ଟେଷ୍ଟ ମ୍ୟାଚରେ ସେ ଗୋଟିଏ ପାଳିରେ ୧୦ ଓ୍ବିକେଟ ଅକ୍ତିଆର କରିଥିଲେ । ୭୪ ରନ ଦେଇ ପାକିସ୍ତାନର ସମସ୍ତ ଓ୍ବିକେଟ ନେଇଥିଲେ । ୧୯୯୯ ମସିହା ୭ ଫେବୃଆରୀରେ ଅନୁଷ୍ଠିତ ଏହି ମ୍ୟାଚରେ ନିଆରା ରେକର୍ଡ ସ୍ଥାପନ କରିଥିଲେ ।

୧୦୦ ଶତକଡ଼ା ବିଜୟର ରେକର୍ଡ ଅନିଲ କୁମ୍ବଲେଙ୍କ ନାମରେ ରହିଛି । ସେ ୨୦୦୨ ମସିହାରେ ଇଂଲଣ୍ଡ ବିପକ୍ଷ ଦିନିକିଆ ମ୍ୟାଚରେ ଅଧିନାୟକ ହୋଇଥିଲେ । ଏହି ମ୍ୟାଚକୁ ଭାରତ ଜିତ ନେଇଥିଲା । ସେପଟେ ଭାରତ ପକ୍ଷରୁ ସର୍ବାଧିକ ଓ୍ବିକେଟ ନେଇଥିବା ବୋଲର ହେଉଛନ୍ତି ଅନିଲ କୁମ୍ବଲେ । ସେ ଟେଷ୍ଟରେ ୬୦୦ରୁ ଅଧିକ ଓ୍ବିକେଟ ନେଇଛନ୍ତି । ଏପରିକି ଓ୍ବେଷ୍ଟଇଣ୍ଡିଜ ବିପକ୍ଷ ଏକ ମ୍ୟାଚରେ ତାଙ୍କରେ ଆଘାତ ଲାଗିଥିଲା । ସେ ମୁଣ୍ଡରେ ଗଜକନା ଭିଡ଼ି ବୋଲିଂ କରିଥିଲେ । ଏବଂ ଓ୍ବେଷ୍ଟଇଣ୍ଡିଜର ଘାତକ ବ୍ୟାଟ୍ସମ୍ୟାନ ବ୍ରାଏନ ଲାରାଙ୍କୁ ଆଉଟ କରି ପାଭିଲିୟନ ପଠାଇଥିଲେ । ଏଭଳି ଅନେକ ମ୍ୟାଚରେ ରେକର୍ଡ ରହିଛି । ବଡ଼ ବଡ଼ ବ୍ୟାଟ୍ସମ୍ୟାନଙ୍କୁ ଧୂଳି ଚଟାଇଛନ୍ତି ।