ଦିଲ୍ଲୀରେ ସ୍ୱାଧୀନତା ଦିବସ ପ୍ୟାରେଡ଼ ଦେଖିବାକୁ ଅନୁଗୋଳ ଚାଷୀ ଦମ୍ପତିଙ୍କୁ ନିମନ୍ତ୍ରଣ

ଅନୁଗୋଳ: ଘାସ ଚାଷୀଙ୍କୁ ଦିଲ୍ଲୀ ଡାକରା । ସ୍ବାଧନତା ଦିବସରେ ଅତିଥି ଭାବେ ନିମନ୍ତ୍ରଣ । ସ୍ୱାଧୀନତା ଦିବସ ପ୍ୟାରେଡ଼ ପ୍ରତ୍ୟକ୍ଷ ଭାବେ ଦେଖିବେ ସ୍ବାମୀ-ସ୍ତ୍ରୀ । ଆସନ୍ତା ସ୍ବାଧୀନତା ଦିବସରେ ଅନୁଗୁଳ ଜିଲ୍ଲାର ଚାଷୀ ବିଭୁପ୍ରସାଦ ପ୍ରଧାନ ଓ ତାଙ୍କ ସ୍ତ୍ରୀଙ୍କୁ ନିମନ୍ତ୍ରଣ କରାଯାଇଛି । ଯାହାକୁ ନେଇ ଉଭୟ ବେଶ ଖୁସି ପ୍ରକଟ କରିଛନ୍ତି ।

ଜିଲ୍ଲାରୁ ଏକମାତ୍ର ନିମନ୍ତ୍ରିତ ଅତିଥି ହୋଇଥିବା ବେଳେ ସେ କେବେ ଏହା ଆଶା କରି ନଥିଲେ । ସ୍ୱାଧୀନତା ଦିବସ ଭଳି ପବିତ୍ର ଦିନରେ ତାଙ୍କୁ କେନ୍ଦ୍ର ସରକାରଙ୍କ ପକ୍ଷରୁ ନିମନ୍ତ୍ରଣ ମିଳିବା ପରେ ସେ ଆଉ ତାଙ୍କ ସ୍ତ୍ରୀ ବେଶ ଖୁସି ପ୍ରକାଶ କରିଛନ୍ତି । ଗତ ୧୨ ବର୍ଷ ହେଲା ଘାସ ଚାଷ କରି ତେଲ ବିକ୍ରି କରିଥାନ୍ତି । ଯେଉଁ ଜମି ଅନାବନା କିମ୍ବା ବନ୍ୟଜନ୍ତୁ ଦାଉ ଯୋଗୁଁ ପଡିଆ ହୋଇ ପଡ଼ିଥିଲା , ସେଥିରେ ସେ ଘାସ ଚାଷ କରି ସଫଳ ହୋଇଛନ୍ତି । ଏହାଠାରୁ ବଳି ଆନନ୍ଦ ଆଉ କିଛି ନାହିଁ ବୋଲି କହିଛନ୍ତି ।