ଅଣ୍ଡା ଫୁଟି ବାହାରିଲେ ୩୦ରୁ ଅଧିକ ଘଡ଼ିଆଳ କୁମ୍ଭୀର

ଅନୁଗୁଳ: ସାତକୋଶିଆ ପାଇଁ ଖୁସି ଖବର । ମହାନଦୀ ଗଣ୍ଡରେ ଅଣ୍ଡାରୁ ଫୁଟି ବାହାରିଲେ ଘଡ଼ିଆଳ କୁମ୍ଭୀର । ମହାନଦୀର ବଳଦମଡ଼ାଠାରେ ଅଣ୍ଡା ଫୁଟି ୩୦ରୁ ଅଧିକ ଛୁଆ ବାହାରିଥିବା ସୂଚନା ମିଳିଛି । ସାତକୋଶିଆରେ ବିରଳ ଘଡ଼ିଆଳଙ୍କ ବଂଶ ବୃଦ୍ଧି ପାଇଁ ଲଗାତାର ଉଦ୍ୟମ ଜାରି ରହିଛି । ଗତବର୍ଷ ଏଠାରେ ୨୮ଟି ଘଡ଼ିଆଳ ଛୁଆ ଜନ୍ମ ହୋଇଥିଲେ ।

ପୂର୍ବରୁ ଏଠାରେ ପ୍ରାକୃତିକ ଭାବରେ ଘଡ଼ିଆଳଙ୍କ ପ୍ରଜନନ ହୋଇ ପାରୁଥିଲା । ହେଲେ ପରିବେଶ ସନ୍ତୁଳନ ବିଗିଡ଼ିବା ଯୋଗୁ ଯୋଗୁ ଏଥିରେ ବ୍ୟତିକ୍ରମ ଦେଖାଯାଇଥିଲା । ହେଲେ ପୁଣି ଥରେ ସାତକୋଶିଆ ତାର ପୂର୍ବ ପରିଚୟ ଫେରି ପାଇଛି । ବର୍ତ୍ତମାନ ଏହି ଘଡ଼ିଆଳ ଶାବକଙ୍କ ସୁରକ୍ଷା ଓ ବଂଶ ବୃଦ୍ଧି ପାଇଁ ସ୍ୱତନ୍ତ୍ର ନଜର ରଖାଯିବ ବୋଲି କହିଛି ବନ ବିଭାଗ ।