ଅଙ୍ଗନବାଡି କର୍ମୀଙ୍କୁ ଅପହରଣ, ବାହା ନହେଲେ ଅଶ୍ଲୀଳ ଭିଡିଓ ଭାଇରାଲ ଧମକ
ଢେଙ୍କାନାଳ: ଢେଙ୍କାନାଳ ଜିଲ୍ଲା ଭୁବନରେ ଅଙ୍ଗନବାଡି କର୍ମୀଙ୍କୁ ଦୁଇଦିନ ଧରି ଗୋଟିଏ ଘରେ ଅଟକ । ବାହାହେବାକୁ ରାଜି ନହେଲେ ଅଶ୍ଳୀଳ ଭିଡିଓ ଭାଇରାଲ କରିବାକୁ ଧମକ । ନନ୍ଦିଘୋଷ ଟିଭି ପ୍ରତିନିଧିଙ୍କଠାରୁ ଖବର ପାଇଁ ଉଦ୍ଧାର କଲା ପୋଲିସ, ଅଭିଯୁକ୍ତ ଅଟକ । ଢେଙ୍କାନାଳ ଜିଲ୍ଲା ଭୁବନରେ ଅଙ୍ଗନବାଡି କର୍ମୀଙ୍କୁ ଦୁଇଦିନ ଧରି ଗୋଟିଏ ଘରେ ଅଟକ ରଖାଯାଇଥିଲା । ତାଙ୍କୁ ଉଦ୍ଧାର କରିବା ସହ ଯୁବକଙ୍କୁ ଅଟକ ରଖିଛି ଗଁଦିଆ ପୋଲିସ । ବାହାହେବାକୁ ରାଜି ନହେଲେ ଅଶ୍ଳୀଳ ଭିଡିଓ ଭାଇରାଲ କରିବାକୁ ଦେଉଥିଲା ଧମକ । ନନ୍ଦିଘେଷ ଟିଭି ପ୍ରତିନିଧିଙ୍କ ଠାରୁ ଖବର ପାଇଁ ଉଦ୍ଧାର କଲା ପୋଲିସ, ଅଭିଯୁକ୍ତ ଅଟକ ।
ସୂଚନା ଅନୁସାରେ ଜଣେ ଯୁବକ ମହିଳା ଅଙ୍ଗନବାଡି କର୍ମୀଙ୍କୁ ଘରେ ବନ୍ଦୀ ରଖିଥିବା ଆମ ଢେଙ୍କାନାଳ ପ୍ରତିନିଧୀଙ୍କୁ ଫୋନ୍ କରି ଯୁବତୀ ଜଣକ ଜଣାଇଥିଲେ । ଅକାଳେ ବିଳମ୍ବ ନକରି ପ୍ରତନିଧି ସତ୍ୟସ୍ୱରୂପ ଦାଶ ପୋଲିସକୁ ଖବର ଦେଇଥିଲେ । ପୋଲିସ ଖାନତଲାସି ପରେ ମହିଳାଙ୍କୁ ଉଦ୍ଧାର କରିବା ସହ ଅଟକ ରଖିଥିବା ଯୁବକଙ୍କୁ କାବୁ କରିଛି ପୋଲିସ । ବିବାହ ପାଇଁ ରାଜି ନହେଲେ ଫଟୋ ଓ ଭିଡିଓ ଭାଇରାଲ କରିଦେବେ ବୋଲି ଧମକ ଦେଉଥିଲେ ଯୁବକ ଜଣକ ।
ଅଙ୍ଗନୱାଡୀ କର୍ମୀ ଜଣକ ଭୁବନରେ ଚାକିରି କରୁଛନ୍ତି । ଗତ ଦୁଇଦିନ ହେଲା ତାଙ୍କୁ ଝାରଦାର ଜଣେ ଯୁବକ ଗୋଟିଏ ଘରେ ବନ୍ଦୀ କରି ରଖିବା ସହ, ବଳପୁର୍ବକ ବାହା ହେବା ପାଇଁ ପ୍ରସ୍ତୁତ ହେଉଥିଲା । ଅଙ୍ଗନୱାଡି କର୍ମୀ ଜଣକୁ କାହା ସହ କଥା ହେବାକୁ ଦିଆଯାଉନଥିବା ବେଳେ, ଶାରିରୀକ ଓ ମାନସିକ ନିର୍ଯ୍ୟାତନା ଦିଆଯାଉଥିବା ଫୋନ ଯୋଗ ଜଣାଇଥିଲେ ଯୁବତୀ । ଯୁବକ ଡ୍ରାଇଭର ଭାବେ କାମ କରୁଥିବା ବେଳେ, ତାଙ୍କ ବାପା ଆଳୁଦମ ଦହିବରା ବ୍ୟବସାୟ କରୁଥିବା ଜଣାପଡ଼ିଛି ।
ଅଙ୍ଗନୱାଡି କର୍ମୀଙ୍କ କହିଛନ୍ତି ଯେ, ଯଦି ତାଙ୍କୁ ଆଜି ସେଠାରୁ ଉଦ୍ଧାର ନକରାଯାଏ ତେବେ, ଆସନ୍ତାକାଲି ତାଙ୍କୁ ବଳପୂର୍ବକ ବାହା ହେବାକୁ ଯୁବକ ଧମକ ଦେଉଥିଲା । ଗତ ୭ମାସ ହେଲା ବାରମ୍ବାର ଫୋନ୍ କରି ଧମକ ଦେବା ପରେ ଗତ ଦୁଇଦିନ ହେଲା ତାଙ୍କୁ ଗୋଟିଏ ଘରେ ବନ୍ଦି କରି ରଖି ଅକଥନୀୟ ନିର୍ଯ୍ୟାତନା ଦିଆଯାଉଥିବା ଯୁବତୀ ଜଣକ କହିଛନ୍ତି ।
