କୋରାପୁଟ: ସୁଧୁରୁନି ଆନ୍ଧ୍ର, କୋଟିଆରେ ବାରମ୍ବାର ପ୍ରବେଶ କରି ଜାରି ରଖିଛି ହୀନ ଉଦ୍ୟମ। ପୂର୍ବରୁ ଅଙ୍ଗନବାଡି କେନ୍ଦ୍ର ସ୍ଥାପନ, ବିଭିନ୍ନ ଉନ୍ନତିମୂଳକ କାର୍ଯ୍ୟ ପାଇଁ ଭିତ୍ତିପ୍ରସ୍ତର ସ୍ଥାପନ ଓ ମହିଳା ସମାବେଶ କରି ଲୋକଙ୍କୁ ଆକୃଷ୍ଟ କରିବାରେ ବିଫଳ ହେବା ପରେ, ଏବେ ଭାଷା ଭିତ୍ତିକ ରାଜନୀତି ଆରମ୍ଭ କରିଛି ଆନ୍ଧ୍ର।
କୋରପୁଟ ଜିଲ୍ଲା ପ୍ରଶାସନ ଓଡ଼ିଆ ସାଇନବୋର୍ଡ ଲଗାଇଥିବା ବେଳେ, ଏବେ ଜୋରଜବରଦସ୍ତ ତେଲଗୁ ଭାଷାରେ ଲିଖିତ ନାମଫଳକ ମାରିଛି ଆନ୍ଧ୍ର। ସୀମାନ୍ତରେ ସ୍ଥିତାବସ୍ଥା ବଜାୟ ରଖିବାକୁ ଆନ୍ଧ୍ରକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିବା ବେଳେ ବାରମ୍ବାର ଅନୁପ୍ରବେଶ କରି ଆସୁଛି। ଏପରକି ବିବାଦୀୟ ଅଞ୍ଚଳରେ ପଞ୍ଚାୟତ ନିର୍ବାଚନ ମଧ୍ୟ କରାଇଥିଲା ଆନ୍ଧ୍ରପ୍ରଦେଶ।
