ଅମରାବତୀ: ଆନ୍ଧ୍ରପ୍ରଦେଶ ଅନନ୍ତପୁର ଜିଲ୍ଲାରେ ବଡ଼ ଅଘଟଣ । ସିଲିଣ୍ଡର ବିସ୍ଫୋରଣ ଯୋଗୁଁ ଗଲା ୪ ଜୀବନ । ମୃତକଙ୍କ ମଧ୍ୟରେ ରହିଛି ୩ ବର୍ଷର ଶିଶୁ । ଏହା ସହିତ ଆଉ ୨ଜଣ ମଧ୍ୟ ଗୁରୁତର ଭାବେ ଆହତ ହୋଇଛନ୍ତି । ସେମାନଙ୍କୁ ଉଦ୍ଧାର କରି ମେଡିକାଲ ଭର୍ତ୍ତି କରାଯାଇଛି । ମୁଲ୍ଲାକେଡୁ ଗାଁରେ ଘଟିଛି ବିସ୍ଫୋରଣ ଘଟଣା । ବିସ୍ଫୋରଣ ଏତେ ଜୋରରେ ହୋଇଥିଲା ଯେ, ପଡ଼ୋଶୀ ଲୋକଙ୍କ ଘର ମଧ୍ୟ ଭାଙ୍ଗି ଯାଇଛି ।
ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଛି । ଉଦ୍ଧାର କାର୍ଯ୍ୟ ଆରମ୍ଭ କରିବା ସହ ରିଲିଫ୍ କାର୍ଯ୍ୟ ମଧ୍ୟ ଆରମ୍ଭ କରିଛି । ତେବେ ମୃତକ ମାନେ ହେଲେ ଜାନବୀ (୬୦) ଦାଦୁ (୩୬) ସାରଫୁନ୍ନି (୨୮) ।
ଘଟଣାନୁଯାୟୀ, ଆଜି ସକାଳେ ହଠାତ୍ ଘରେ ମଧ୍ୟରେ ଥିବା ଗୋଟିଏ ରୋଷେୟ ଗ୍ୟାସ ସିଲିଣ୍ଡର ବିସ୍ଫୋରଣ ହୋଇଥିଲା। ଏହା ଏତେ ଭୟଙ୍କର ଥିଲା ଯେ ବିଲ୍ଡିଂ କିଛି ଅଂଶ ଭୁଶୁଡ଼ି ପଡ଼ିଥିଲେ। ସେହିପରି ଅଘଟଣ ଘଟିଥିବା କୋଠାକୁ ଲାଗି ରହିଥିବା ୨ପାଖର କୋଠା ମଧ୍ୟ କ୍ଷତିଗ୍ରସ୍ତ ହୋଇଛି । ଅଘଟଣ ପରେ ସ୍ଥାନୀୟ ଲୋକେ କୋଠା ତଳେ ଫସିଥିବା ଲୋକଙ୍କୁ ଉଦ୍ଧାର କରିବା ପାଇଁ ଚେଷ୍ଟା କରିଥିଲେ। ହେଲେ ସେତେବେଳକୁ ୪ ଜଣଙ୍କ ମୃତ୍ୟୁ ହୋଇ ସାରିଥିଲେ। ତଥାପି ଉଦ୍ଧାରକାରୀ ଦଳ ବିସ୍ଫୋରଣ ଯୋଗୁ ପୋଡ଼ି ହୋଇଯାଇଥିବା ୨ ଜଣଙ୍କୁ ତୁରନ୍ତ ଜୀବନ୍ତ ଅବସ୍ଥାରେ ହସ୍ପିଟାଲରେ ଭର୍ତ୍ତି କରିଥିଲେ। ।
