ବିଶାଖାପାଟଣାରେ ଭୁଷୁଡ଼ିଲା ୩ ମହଲା କୋଠା, ୩ ମୃତ

ବିଶାଖାପାଟଣା: ଆନ୍ଧ୍ରପ୍ରଦେଶ ବିଶାଖାପାଟଣାରେ ଭୁଷୁଡିଲା ୩ ମହଲା କୋଠା । ଘଟଣାସ୍ଥଳରେ ପ୍ରାଣ ହରାଇଛନ୍ତି ୩ ଜଣ । ଆହତ ହୋଇଛନ୍ତି ୬ ଜଣ । ଆଜି ଭୋରରେ ବିଶାଖପାଟଣା ଅନ୍ତର୍ଗତ ରାମଯୋଗୀ ପେଟାରେ ଥିବା ଏକ ପୁରୁଣା ତିନି ମହଲା କୋଠା ଭୁଷୁଡ଼ି ଯାଇଥିଲା । ଘଟଣାସ୍ଥଳରେ ୨ ଶିଶୁଙ୍କ ସମେତ ୩ ଜଣଙ୍କ ମୃତ୍ୟୁ ଘଟିଥିଲା । ଏନେଇ ସୂଚନା ଦେଇଛନ୍ତି ଭାଇଜାଗ ସିପି ସିଏଚ ଶ୍ରୀକାନ୍ତ ।

ପ୍ରଥମ ମହଲାରେ ରହୁଥିବା ଜଣେ ବିହାରୀ ଶ୍ରମିକର ମୃତ୍ୟୁ ଘଟିଥିଲା । ଆହତ ୬ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏହି କୋଠା ନିକଟରେ ପଡ଼ୋଶୀ ଘର ମାଲିକ ନିଜ ଘର ତିଆରି କରିବା ଲାଗି ନିଅଁ ଖୋଳୁଥିବାବେଳେ ଏହି କୋଠା ଧସିଯାଇଥିଲା । ସେପଟେ ଦିଲ୍ଲୀର ରୋହିଣୀ ଇଲାକାରେ ଏକ କୋଠା ଭୁଷୁଡିଯାଇଛି । ରାତି ଗୋଟାଏ ୪୫ ମିନଟରେ ଘଟିଛି ଘଟଣା । ତେବେ ଏହା ଏକ ପରିତ୍ୟକ୍ତ କୋଠା ହୋଇଥିବାରୁ ଧନଜୀବନ ହାନି ଘଟିନାହିଁ ।