କୋଟିଆ ପରେ ଦେଓମାଳି ଉପରେ ଆଖି, ବିନା ସୂଚନାରେ କୋରାପୁଟ ଆସିଛନ୍ତି ଆନ୍ଧ୍ର ଅଧିକାରୀ

କୋରାପୁଟ: କୋଟିଆ ପରେ ଦେଓମାଳି ଉପରେ ଆନ୍ଧ୍ରର ନଜର ଥିବା ସନ୍ଦେହ ସୃଷ୍ଟି ହୋଇଛି । ଆନ୍ଧ୍ର ଅଧିକାରୀଙ୍କ ସଦଳବଳେ କୋଟିଆ ଗସ୍ତ, ବିଜୟନଗରମ ଜିଲ୍ଲାର ସମସ୍ତ ବିଭାଗୀୟ ଅଧିକାରୀ, ପାର୍ବତୀପୁରମ ପିଏ ଆଇଟିଡିଏ, ସାଲୁର ମଣ୍ଡଳର ଅଧିକାରୀମାନେ ଶୁଙ୍କି ଦେଇ କୋଟିଆ ଗସ୍ତ କରିଛନ୍ତି  । ଦେଓମାଳି ପରିଦର୍ଶନ କରିବା ପରେ କୋଟିଆର ବିବାଦୀୟ ଗ୍ରାମ ଗୁଡିକ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି ।

ଆନ୍ଧ୍ର ଅଧିକାରୀଙ୍କ ଗସ୍ତକୁ ଦୃଷ୍ଟିରେ ରଖି କୋରାପୁଟ ଜିଲ୍ଲା ପ୍ରଶାସନ କଡା ସୁରକ୍ଷା ବ୍ୟବସ୍ଥା ଗ୍ରହଣ କରିଛି  । ସେପଟେ ଆନ୍ଧ୍ର ପ୍ରଶାସନର କୌଣସି କାର୍ଯ୍ୟକ୍ରମ କୋଟିଆରେ କରାଇ ଦିଆଯିବ ନାହିଁ କହିଲେ କୋରାପୁଟ ଜିଲ୍ଲାପାଳ ଅବଦାଲ ମହମ୍ମଦ ଅଖତର । କୋରାପୁଟ ପ୍ରଶାସନକୁ ସୂଚନା ନଦେଇ ଆନ୍ଧ୍ରର ଅଧିକାରୀମାନେ ଦେଓମାଳିରେ ପ୍ରବେଶ କରିଛନ୍ତି । ଯାହା ଏକ ଉଭୟ ରାଜ୍ୟର ମୁଖ୍ୟମନ୍ତ୍ରୀଙ୍କ ଆଲୋଚନା ପରେ ଏଭଳି ଗସ୍ତ ଆନ୍ଧ୍ର କାର୍ଯ୍ୟାକଳାପକୁ ନେଇ ସନ୍ଦେହ ସୃଷ୍ଟି ହୋଇଛି ।