ଜିଲ୍ଲାର ନାଁ ପରିବର୍ତ୍ତନକୁ ବିରୋଧ, ପରିବହନ ମନ୍ତ୍ରୀଙ୍କ ଘରେ ନିଆଁ ଲଗାଇଲେ ଦୁର୍ବୃତ୍ତ

ହାଇଦ୍ରାବାଦ: ଆନ୍ଧ୍ର ପ୍ରଦେଶର ଅମଲାପୁରମରେ ଜୋରଦାର ହିଂସା । କୋନାସୀମା ଜିଲ୍ଲାର ନାଁ ପରିବର୍ତ୍ତନକୁ ବିରୋଧ କରି ପ୍ରଦର୍ଶନକାରୀ ହିଂସା କରିଛନ୍ତି । ନିକଟରେ ରାଜ୍ୟ ସରକାର କୋନାସୀମା ଜିଲ୍ଲାର ନାଁ ପରିବର୍ତ୍ତନ କରି ବିଆର ଆମ୍ବେଦକର କୋନାସୀମା କରିବାକୁ ଘୋଷଣା କରିଥିଲେ । ରାଜ୍ୟ ସରକାରଙ୍କ ଏହି ପ୍ରସ୍ତାବକୁ ବିରୋଧ କରି ରାସ୍ତାକୁ ଓହ୍ଲାଇଥିଲେ ପ୍ରଦର୍ଶନକାରୀ । ଜିଲ୍ଲା ମୁଖ୍ୟାଳୟରେ ପ୍ରଦର୍ଶନକାରୀଙ୍କ ଉପରେ ପୋଲିସ ଲାଠି ଚାର୍ଜ କରିବା ପରେ ସହରରେ ହିଂସା ସୃଷ୍ଟି ହୋଇଥିଲା ।

ପୋଲିସ କାର୍ଯ୍ୟାନୁଷ୍ଠାନରେ ଉତକ୍ଷିପ୍ତ ହୋଇ ପ୍ରଦର୍ଶନକାରୀ ଶାସକ ଦଳ ବିଧାୟକ ପି.ସତିସ୍ ଏବଂ ପରିବହନ ମନ୍ତ୍ରୀ ପି.ବିଶ୍ୱଋପୁଙ୍କ ଘରେ ନିଆଁ ଲଗାଇ ଦେଇଥିଲେ । ପୋଲିସ ସମସ୍ତଙ୍କୁ ସୁରକ୍ଷିତ ଉଦ୍ଧାର କରିଥିଲା । ଅନ୍ୟପଟେ ଆଇନ ଶୃଙ୍ଖଳା ପରିସ୍ଥିତିକୁ ନିୟନ୍ତ୍ରଣକୁ ଆଣିବାକୁ ଯାଇ ପ୍ରଦର୍ଶନକାରୀ ଆକ୍ରୋଶର ଶିକାର ହୋଇଛନ୍ତି ପୋଲିସକର୍ମୀ । ଏହି ହିଂସାରେ ଅନେକ ପୋଲିସକର୍ମୀ ମଧ୍ୟ ଆହତ ହୋଇଛନ୍ତି । ଏହାସହ ପୋଲିସ ଗାଡିରେ ମଧ୍ୟ ପ୍ରଦର୍ଶନକାରୀ ନିଆଁ ଲଗାଇ ଦେଇଥିଲେ ।