ଟଳିଗଲା ବଡ଼ ବିପଦ: ପୃଥିବୀର ନିକଟରୁ ଚାଲିଗଲା ଉଲ୍କାପିଣ୍ଡ
ନୂଆଦିଲ୍ଲୀ: ଟଳିଗଲା ବଡ଼ ବିପଦ । ବଡ଼ ଧରଣର ଧ୍ୱସଂରୁ ଅଳ୍ପକେ ବର୍ତ୍ତିଲା ପୃଥିବୀ । ଘଣ୍ଟାପ୍ରତି ୪୬ ହଜାର ୫୦୦ କିଲୋମିଟର ସ୍ପିଡ୍ରେ ଆସୁଥିବା ଉଲ୍କାପିଣ୍ଡ ପୃଥିବୀ ପାର୍ଶ୍ୱରେ ଚାଲିଗଲା । ଦିଲ୍ଲୀର କୁତୁବମୀନାରରୁ ୪ ଗୁଣ ଓ ଆମେରିକାର ଷ୍ଟାଚ୍ୟୁ ଅଫ୍ ଲିବର୍ଟିଠାରୁ ୩ ଗୁଣା ବଡ଼ ହେଉଛି ଏହି ଉଲକାପିଣ୍ଡ ଆମେରିକାରେ ଥିବା ଷ୍ଟାଚ୍ୟୁ ଅଫ୍ ଲିବର୍ଟି ୩୧୦ ଫୁଟ ଏବଂ କୁତବମୀନାର ୨୪୦ ଫୁଟ ଲମ୍ୱା ହୋଇଥିବା । ବେଳେ ଏହି ଉଲ୍କାପିଣ୍ଡଟି ୧ହଜାର ୧୭ ଫୁଟ୍ ଲମ୍ୱା ।
ତେବେ ବୁଧବାର ଦିନ ୧୨ଟା ୧୫ରେ ପୃଥିବୀ ପାର୍ଶ୍ୱ ଦେଇ ଏହି ଉଲ୍କାପିଣ୍ଡଟି ଚାଲିଯାଇଛି । ଆମେରିକାର ମହାକାଶ ବିଜ୍ଞାନ ସଂସ୍ଥା ନାସାର ସୂଚନା ଅନୁଯାୟୀ ଏହା ପୃଥିବୀରୁ ୩୭ ଲକ୍ଷ କିଲୋମିଟରର ଦୂରରୁ ଚାଲିଗଲା । ତେବେ ମହାକାଶରେ ଏହା କୌଣସି ବଡ଼ ଦୂରତା ନୁହେଁ । ନାସା ବୈଜ୍ଞାନିକ ସେ ସମସ୍ତ ଉଲକାପିଣ୍ଡକୁ ପୃଥିବୀ ପ୍ରତି ବିପଦ ଭାବରେ ବିବେଚନା କରନ୍ତି ଯାହା ପୃଥିବୀଠାରୁ ୭୫ ଲକ୍ଷ କିଲୋମିଟରର ଦୂରତା ଦେଇ ଗତିକରିଥାଏ ।
ସୂର୍ଯ୍ୟ ଚାରିପାଖେ ବୁଲୁଥିବା ଛୋଟ ଛୋଟ ଖୋଗଲିୟ ପିଣ୍ଡ ଆଷ୍ଟ୍ରୋଏଡ୍ ବା କ୍ଷୁଦ୍ରଗ୍ରହ ବୋଲି କୁହାଯାଏ । ଏହା ମୁଖ୍ୟତଃ ମଙ୍ଗଳ ଏବଂ ବୃହସ୍ପତି ଗ୍ରହ ମଧ୍ୟବର୍ତ୍ତୀ ଆଷ୍ଟ୍ରୋଏଡ୍ ବେଲ୍ଟରେ ଦେଖିବାକୁ ମିଳେ । ବହୁ ଥର ଏମାନଙ୍କ ଦ୍ୱାରା ପୃଥିବୀ କ୍ଷତି ହୋଇଥାଏ । ତେବେ ଜୁନ୍ ମାସରେ ତୃତୀୟ ଥର ପାଇଁ ଆଷ୍ଟ୍ରୋଏଡ୍ ପୃଥିବୀର ଅତି ନିକଟରୁ ଗତି କରିଛି ।
ପ୍ରଥମ ଆଷ୍ଟ୍ରୋଏଡ୍ ୬ ଜୁନ୍ରେ ପୃଥିବୀ ପାର୍ଶ୍ୱ ଦେଇ ଗତି କରିଛି । ଯାହାର ବ୍ୟାସାର୍ଦ୍ଧ ୫୭୦ ମିଟର ଥିଲା । ଏବଂ ଏହା ପୃଥିବୀଠାରୁ ୪୦ହଜାର ୧୪୦ କିଲୋମିଟର ପ୍ରତି ଘଣ୍ଟା ଗତିରେ ଯାଇଥିଲା । ଏହା ପୂର୍ବରୁ ୮ ଜୁନ୍ ଆଷ୍ଟ୍ରୋଏଡ୍ ୨୦୧୩ ଏକ୍ସ ୨୦୧୩ ଏକ୍ସ ୨୨ ଏଷ୍ଟ୍ରୋରୟଡ୍ ପୃଥିବୀ ନିକଟରୁ ଗତି କରିଛି । ଯାହାର ଗତି ୨୪ ହଜାର ୫୦ କିଲୋମିଟର ପ୍ରତି ଘଣ୍ଟା ରହିଥିଲା ।
