ବନ୍ଧୁବାନ୍ଧବଙ୍କ ଉପସ୍ଥିତିରେ ରୀତି ନୀତି ଅନୁଯାୟୀ ରାଧିକା ମର୍ଚ୍ଚାଣ୍ଟ ଏବଂ ଅନନ୍ତ ଅମ୍ବାନିଙ୍କ ହେଲା ନିର୍ବନ୍ଧ

ମୁମ୍ବାଇ: ରାଧିକା ମର୍ଚ୍ଚାଣ୍ଟ ଏବଂ ଅନନ୍ତ ଅମ୍ବାନିଙ୍କ ମଧ୍ୟରେ ଗୁରୁବାର ପରିବାରବର୍ଗ ଏବଂ ବନ୍ଧୁବାନ୍ଦବଙ୍କ ଉପସ୍ଥିତିରେ ପୂର୍ଣ୍ଣ ରୀତି ନୀତି ଓ ବିଧି ଅନୁଯାୟୀ ବିବାହ ପୂର୍ବ ଆନୁଷ୍ଠାନିକ ନିର୍ବନ୍ଧ କାର୍ଯ୍ୟ ସମ୍ପନ୍ନ ହୋଇଛି । ଏହି ନିର୍ବନ୍ଧ କାର୍ଯ୍ୟ ମୁମ୍ବାଇ ସ୍ଥିତ ଅମ୍ବାନି ନିବାସରେ ଅନୁଷ୍ଠିତ ହୋଇଥିଲା । ଗୁଜୁରାଟୀ ହିନ୍ଦୁ ପରିବାରରେ ପିଢି ପ୍ରଚିଳତ ହୋଇଆସୁଥିବା ଶହ ଶହବର୍ଷ ପୂରାତନ ଗୋଲ୍ ଧନ ଏବଂ ଚୁନରୀ ବିଧି ଆଧି ପରମ୍ପରା ସମାରୋହ ସ୍ଥଳ ଏବଂ ପରିବାରିକ ମନ୍ଦିରରେ ଅତ୍ୟନ୍ତ ଆନନ୍ଦ ଉତ୍ସାହର ସହିତ ଆୟୋଜିତ ହୋଇଥିଲା ।

ଦୁଇ ପରିବାର ପରସ୍ପରକୁ ଉପହାର ପ୍ରଦାନ କରିଥିଲେ । ବଡ଼ ଭଉଣୀ ଇଶା ଅମ୍ବାନି ଓ ପରିବାର ପୂର୍ବରୁ ରାଧିକାଙ୍କ ଘରେ ପହଞ୍ଚିସାରିଥିଲେ । ମର୍ଚ୍ଚାଣ୍ଟ ପରିବାର ମଧ୍ୟ ସେମାନଙ୍କୁ ସ୍ୱାଗତ କରିଥିଲେ । ଏହାପରେ ଭାବି ଦମ୍ପତ୍ତିଙ୍କୁ ଶ୍ରୀ କୃଷ୍ଣ ମନ୍ଦିରକୁ ନେଇ ଆଶୀର୍ବାଦ ନେବାକୁ କୁହାଯାଇଥିଲା । ପରମ୍ପରା ଅନୁସାରେ ଅନନ୍ତ ରାଧିକାଙ୍କୁ ମୁଦି ପିନ୍ଧାଇଥିଲେ ।

ମୁକେଶ ଓ ନୀତାଙ୍କ ସାନ ପୁଅ ଅନନ୍ତ ଏବଂ ରାଧିକା ଉଭୟେ ଉଭୟଙ୍କୁ ଦୀର୍ଘ ବର୍ଷ ଧରି ଜାଣିଛନ୍ତି । ଏମାନଙ୍କ ଡେଟ୍ ଖବର ପ୍ରଥମେ ୨୦୧୮ ମସିହାରେ ସାମ୍ନାକୁ ଆସିଥିଲା । ଅନନ୍ତ ଆମେରିକାର ବ୍ରାଉନ ୟୁନିଭର୍ସିଟିରୁ ଗ୍ରାଜୁଏଟ ପାସ୍ କରିଛନ୍ତି । ଏବେ ସେ ରିଲାଏନ୍ସ ଇଣ୍ଡଷ୍ଟ୍ରୀର ବିଭିନ୍ନ ଦାୟିତ୍ୱ ସମ୍ଭାଳୁଛନ୍ତି । ସେହିପରି ରାଧିକା ନ୍ୟୁୟର୍କ ୟୁନିଭର୍ସିଟୁରେ ଗ୍ରାଜୁଏସନ ସାରିବା ପରେ ଏନକେୟାର ହେଲ୍ଥକେୟାରର ନିର୍ଦ୍ଦେଶକ ଭାବେ କାର୍ଯ୍ୟ କରୁଛନ୍ତି ।