ଆନନ୍ଦପୁର : ପ୍ରେମ ପାଇଁ ଇଲେକ୍ଟ୍ରି ଟାୱାରରେ ଚଢିଗଲେ ଯୁବକ । ପୋଲିସ ପହଁଞ୍ଚି କଲା ଉଦ୍ଧାର। କେନ୍ଦୁଝର ଘଷିପୁରା ଥାନା ବିରଗୋବିନ୍ଦପୁର ଗାଁ ନିକଟରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଏକ ୩୩ କେଭି ବିଦ୍ୟୁତ ଟାୱାର ଉପରକୁ ଜଣେ ଯୁବକ ଚଢି ଯାଇଥିବାର ଦେଖି ଲୋକେ ହୋହଲ୍ଲା କରିବା ସହ ପୋଲିସକୁ ଖବର ଦେଇଥିଲେ । ହରିଚନ୍ଦନପୁର ଥାନା ଖଡ଼ିବାହାଳି ଗାଁର ଲୁଲୁ ନାୟକ ପ୍ରେମରେ ବିଫଳ ହେବା ପରେ ବିରଗୋବିନ୍ଦପୁର ଗାଁରେ ଘୁରି ବୁଲୁଥିଲେ । ଗାଁର କିଛି ଲୋକଙ୍କୁ ନିଜ ଦୁଃଖ କହିବା ସହିତ ଜୀବନ ହାରିଦେବେ ବୋଲି କହିଥିଲେ । ଆଜି ସକାଳୁ ଯୁବକ ବିଦ୍ୟୁତ ଟାୱାରକୁ ଚଢି ଜୀବନ ହାରିବାକୁ ଚେଷ୍ଟା କରୁଥିବା ବେଳେ ଲୋକେ ପ୍ରଥମେ ବିଦ୍ୟୁତ ବିଭାଗକୁ ଫୋନ କରି କରେଣ୍ଟ କାଟିବା ସହିତ ପୋଲିସକୁ ଖବର ଦେଇଥିଲେ । ପୋଲିସ ପହଁଞ୍ଚି ଯୁବକଙ୍କୁ ବୁଝାସୁଝା କରି ଉଦ୍ଧାର କରିଛି ।
