ଆମେରିକୀୟ କମ୍ପାନୀ ଟେସଲା ମାଲିକଙ୍କୁ ଭାରତର ଟେସଲା ଦେଖାଇଲେ ଆନନ୍ଦ ମହିନ୍ଦ୍ରା

1 min read

ନୂଆଦିଲ୍ଲୀ: ବିଶ୍ୱର ସବୁଠାରୁ ଅଧିକ ଚର୍ଚ୍ଚିତ କାର୍ ଟେସଲା କମ୍ପାନୀ ମାଲିକ ଏଲନ୍ ମସ୍କଙ୍କୁ ଭାରତୀୟ ଶିଳ୍ପପତି ଆନନ୍ଦ ମହିନ୍ଦ୍ରାଙ୍କ ଟ୍ୱିଟ୍ । ଆମେରିକୀୟ କମ୍ପାନୀ ଟେସଲା ମାଲିକଙ୍କୁ ଆନନ୍ଦ ଦେଖାଇଲେ ଭାରତର ଟେସଲା । ତେବେ ସେ ଯାହା ଦେଖାଇଛନ୍ତି ତାହା କୌଣସି କାର୍ ନୁହେଁ, ତାହା ହେଉଛି ଶଗଡ଼ ଗାଡ଼ି । ଆନନ୍ଦ ମହିନ୍ଦ୍ରା ଟ୍ୱିଟ୍ କରି ଏକ ଶଗଡ଼କୁ ଫଟୋକୁ ଟ୍ୱିଟ୍ କରିବା ସହ ଏହା ଅସଲି ଟେସଲା ବୋଲି କହିଛନ୍ତି । ଆଉ ଏହା ପରେ ଆନନ୍ଦଙ୍କ ଟ୍ୱିଟ୍ ଖୁବ୍ ଭାଇରାଲ ହେବାରେ ଲାଗିଛି । ଏବଂ ଏହା ନେଟିଜନ୍ସଙ୍କ ମନ ମଧ୍ୟ ଜିଣିଛି ।

Image

ସୋସିଆଲ ମିଡ଼ିଆରେ ସବୁ ବେଳେ ଆକ୍ଟିଭ ରହିଆସୁଥିବା ଆନନ୍ଦ ମହିନ୍ଦ୍ରା ଅନେକ ସମୟର ପ୍ରେରଣାଦାୟୀ ଓ ମଜାଳିଆ ପୋଷ୍ଟ ସବୁ କରିଥାନ୍ତି। ଏବେ ସେ ଟେସଲାର ସିଇଓ ଏଲନ ମସ୍କଙ୍କୁ ଏହି ଟ୍ୱିଟ୍‌ କରିଛନ୍ତି। ସେ ନିଜର ଟ୍ୱିଟ୍‌ରେ ଏଲନ ମସ୍କଙ୍କୁ ଟ୍ୟାଗ୍‌ କରି କ୍ୟାପସନ ଦେଇଛନ୍ତି ବ୍ୟାକ୍‌ ଟୁ ଦ ଫ୍ୟୁଚର ବୋଲି ଉଲ୍ଲେଖ କରିଛନ୍ତି ।

ତେବେ ସେ ଟ୍ୟାଗ୍ କରିଥିବା ଫଟୋଟିରେ ଶଗଡ଼ ଗାଡ଼ିର ଫଟୋ ଥିବା ସହ ଏହା ଅସଲି ଟେସଲା ବୋଲି ଲେଖାଯାଇଛି । ଏହା ଚଳାଇବାକୁ କୌଣସି ଇନ୍ଦନର ଆବଶ୍ୟକତା ପଡ଼ୁନଥିବା ବେଳେ ପ୍ରଦୂଷଣ ମଧ୍ୟ ସୃଷ୍ଟି ହୁଏ ନାହିଁ  । ଏବଂ ଏଫ୍‌ଏସ୍‌ଡି ମୋଡରେ ଶଗଡ଼ ଚାଲିଥାଏ ଏଥିଲାଗି କୌଣସି ଗୁଗୁଲ ମ୍ୟାପ୍‌ର ମଧ୍ୟ ଆବଶ୍ୟକତା ନଥାଏ ଏବଂ ଯାତ୍ରା ସଫଳ ହୁଏ ବୋଲି ଲେଖାଯାଇଛି ।

[DISPLAY_ULTIMATE_SOCIAL_ICONS]