କର୍ଣ୍ଣାଟକ ପରେ ଅନ୍ୟ ରାଜ୍ୟ ଉପରେ ଫୋକସ

ଜୟପୁର :  କର୍ଣ୍ଣାଟକ ବିଜୟ ପରେ ଅନ୍ୟ ରାଜ୍ୟ ଉପରେ କଂଗ୍ରେସର ଫୋକସ । ଆଜି ରାଜସ୍ଥାନ କଂଗ୍ରେସର ବସିବ ଗୁରୁତ୍ବପୂର୍ଣ୍ଣ ବୈଠକ । ବୈଠକରେ ସାମିଲ ହେବେ ମୁଖ୍ୟମନ୍ତ୍ରୀ ଅଶୋକ ଗେହଲଟ, ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟ, ପିସିସି ସଭାପତି ଗୋବିନ୍ଦ ଦୋତସାରାଙ୍କ ସମେତ ବହୁ କଂଗ୍ରେସ ନେତା ।

ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେ ବୈଠକରେ ସାମିଲ ହୋଇ ଆସନ୍ତା ନିର୍ବାଚନରେ ଦଳର ବିଜୟ ସମ୍ପର୍କରେ ଆଲୋଚନା କରିବେ । ଏହା ସହ ରାଜ୍ୟ କଂଗ୍ରେସରେ ଥିବା ମତପାର୍ଥକ୍ୟ ଦୂର ଉପରେ ବୈଠକରେ ରହିବ ଫୋକସ ।

ଗେହଲଟ ଓ ପାଇଲଟଙ୍କ ମଧ୍ୟରେ ସମ୍ପର୍କ ଠିକ୍ ନଥିବାବେଳେ ଏହି ବୈଠକରେ ସେମାନଙ୍କ ମଧ୍ୟରେ ରହିଥିବା ମତପାର୍ଥକ୍ୟ ଦୂର ଲାଗି ଚେଷ୍ଟା କରାଯିବ ବୋଲି ସୂଚନା ମିଳିଛି । ଏହା ସହ ସରକାରଙ୍କ ସଫଳତା, ମନ୍ତ୍ରୀ ଓ ବିଧାୟକଙ୍କ କାର୍ଯ୍ୟଧାରାର ରିପୋର୍ଟ, ପ୍ରମୁଖ ନିର୍ବାଚନ ପ୍ରସଙ୍ଗ, ପ୍ରାର୍ଥୀମାନଙ୍କ ନାମ ଆଗୁଆ ଘୋଷଣା ଉପରେ ଆଲୋଚନା କରାଯିବ ।