ଫାଶୀ ଅପେକ୍ଷାରେ ଥିବା ମା ପାଇଁ ୧୨ ବର୍ଷୀୟ ପୁଅର କ୍ଷମାପ୍ରାର୍ଥନା

1 min read

ନୂଆଦିଲ୍ଲୀ: ସ୍ୱାଧୀନ ଭାରତରେ ପ୍ରଥମ ମହିଳା କଏଦୀ ଭାବେ ଫାଶୀ ଦଣ୍ଡାଦେଶ ପାଇଥିବା ଶବନମଙ୍କ ପୁଅ ମହମ୍ମଦ ତାଜ ନିଜ ମାଆ ପାଇଁ କ୍ଷମାପ୍ରାର୍ଥନା କରିଛନ୍ତି । ରାଷ୍ଟ୍ରପତି ଦୟା ଆବେଦନକୁ ପ୍ରତ୍ୟାଖ୍ୟାନ କରିବା ପରେ ଶବନମଙ୍କ ୧୨ ବର୍ଷର ପୁଅ ତାଜ କ୍ଷମା ପ୍ରାର୍ଥନା କରିଛନ୍ତି । ମହମ୍ମଦ ତାଜ କହିଛନ୍ତି, ‘ରାଷ୍ଟ୍ରପତି ଅଙ୍କଲ ଜୀ, ମୋ ମା’ଙ୍କୁ କ୍ଷମା କରିଦିଅନ୍ତୁ।’  ଶବନମ ଜେଲକୁ ଆସିବାବେଳେ ୨ ମାସର ଗର୍ଭବତୀ ଥିଲେ। ଏବଂ ସେ ତାଜଙ୍କୁ ସେହି ଜେଲ୍ରେ ହି ଜନ୍ମ ଦେଇଛନ୍ତି ।

ଉତ୍ତରପ୍ରଦେଶର ମଥୁରା ସ୍ଥିତ ଅମରୋହ ଅଞ୍ଚଳର ସବନମ୍୨୦୦୮ ଅପ୍ରେଲ ୧୪ରେ ତାଙ୍କ’ ପ୍ରେମିକଙ୍କ ମିଳିତ ସହଯୋଗରେ ସାତ ଜଣ ସମ୍ପର୍କୀୟଙ୍କୁ କୁରାଢ଼ୀରେ ନିର୍ମମ ଭାବରେ ହତ୍ୟା କରିଥିଲେ।  ସମସ୍ତ ସାକ୍ଷୀ ପ୍ରମାଣକୁ ନଜରରେ ରଖି ସୁପ୍ରିମକୋର୍ଟ ସବନମକୁ ଫାଶୀଦଣ୍ଡ ଶୁଣାଇଛନ୍ତି। ତେବେ ସବନମ ହେଉଛନ୍ତି ସ୍ୱାଧୀନ ଭାରତର ପ୍ରଥମ ମହିଳା ଯିଏ ଫାଶୀଦଣ୍ଡ ପାଇବେ।

ଶବନମଙ୍କ ବନ୍ଧୁ ଓସମାନ ସାଇଫି ୧୨ ବର୍ଷୀୟ ତାଜଙ୍କୁ ପୋଷ୍ୟଭାବେ ଗ୍ରହଣ କରିଥିଲେ। ତେବେ ତାଜ ନିଜ ମା’ଙ୍କୁ ଫାଶୀ ଦଣ୍ଡାଦେଶ ହୋଇଥିବା ଜାଣିବା ପରେ ସେ ରାଷ୍ଟ୍ରପତିଙ୍କ ନିକଟରେ କ୍ଷମା ପ୍ରାର୍ଥନା କରିଛନ୍ତି।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.