ଇଟାଲିରୁ ଅମୃତସର ଆସୁଥିବା ବିମାନରେ ପୁଣି କରୋନା ବିସ୍ଫୋରଣ, ୧୫୦ ଯାତ୍ରୀ ପଜିଟିଭ୍

ଅମୃତସର: ସାରା ଦେଶରେ ହୁ ହୁ ହୋଇ ବଢ଼ିବାରେ ଲାଗିଛି କରୋନା ସଂକ୍ରମଣ । ନୂଆବର୍ଷ ପରଠାରୁ ଦେଶରେ ଉପରମୁହାଁ ରହିଛି କରୋନା ସଂକ୍ରମଣ । ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁସାରେ ଗତ ୨୪ ଘଣ୍ଟାରେ ଭାରତରେ ଏକ ଲକ୍ଷରୁ ଅଧିକ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ତେବେ ଏପରି ସ୍ଥିତିରେ ଆଉ ଏକ ଚିନ୍ତାଜନକ ଖବର ସାମ୍ନାକୁ ଆସିଛି । ଇଟାଲିରୁ ଭାରତ ଆସୁଛି କରୋନା ଭର୍ତ୍ତି ବିମାନ । ଇଟାଲିରୁ ଭାରତ ଆସିଥିବା ଏକ ବିମାନରେ ପୁଣି ଥରେ କରୋନା ବିସ୍ଫୋରଣ ହୋଇଛି । ଆଜି ଇଟାଲିରୁ ଆସିଥିବା ବିମାନରେ ୧୫୦ ଜଣ ଯାତ୍ରୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି ।

ସୂଚନା ଅନୁସାରେ ନାଇସ୍ ଏୟାରଲାଇନର ବିମାନ ୨୯୦ ଯାତ୍ରୀଙ୍କୁ ଇଟାଲିର ମିଲନ ସହରରୁ ଅମୃତସର ଆସୁଥିଲା । ତେବେ ଅମୃତସର ପହଞ୍ଚିବା ପରେ ସେଠାରେ କରୋନା ଟେଷ୍ଟ ହୋଇଥିଲା । ଯେଉଁଥିରେ ୧୫୦ ଜଣ ଯାତ୍ରୀ କରୋନା ପିଜିଟିଭ୍ ଚିହ୍ନଟ ହୋଇଥିଲେ । ସମସ୍ତ ଯାତ୍ରୀଙ୍କୁ ଅମୃତସରରେ କ୍ୱାରେଣ୍ଟାଇନରେ ରଖାଯାଇଥିଲା । ଗୁରୁବାର ମଧ୍ୟ ଇଟାଲିରୁ ଆସିଥିବା ଏକ ଚାଟାର୍ଡ ବିମାନରେ ୧୭୦ରୁ ୧୨୫ ଜଣ କରୋନା ପଜିଟିଭ୍ ଚିହ୍ନଟ ହୋଇଥିଲେ ।