ସାମ୍ନାକୁ ଆସିଲା ଅମୃତପାଲର ଭିଡିଓ, ପଞ୍ଜାବ ପୋଲିସଙ୍କୁ ଦେଲା ଖୋଲା ଚ୍ୟାଲେଞ୍ଜ

ଚଣ୍ଡିଗଡ଼: ଆତ୍ମସମର୍ପଣ କଳ୍ପନାଜଳ୍ପନା ମଧ୍ୟରେ ପଳାତକ ଖଲିସ୍ତାନ ସମର୍ଥକ ଅମୃତପାଲ ସିଂ ଏକ ଭିଡିଓ ଜାରି କରିଛନ୍ତି । ଅମୃତପାଲ ତାଙ୍କ ଭିଡିଓରେ ପଞ୍ଜାବ ପୋଲିସ ଏବଂ ସରକାରଙ୍କୁ ଚ୍ୟାଲେଞ୍ଜ କରିଛନ୍ତି । ତାଙ୍କର ଗୋଟିଏ ବି କେଶ କେହି ବଙ୍କା କରିପାରିବେ ନାହିଁ ବୋଲି କହିଛନ୍ତି ଅମୃତପାଲ । ଭିଡିଓରେ ଅମୃତପାଲ କହିଛନ୍ତି ଯେ ଏହି ପ୍ରସଙ୍ଗ କେବଳ ତାଙ୍କ ଗିରଫଦାରୀ ଉପରେ ନୁହେଁ । ତାଙ୍କ ଉପରେ ଲଗାଯାଇଥିବା ଅଭିଯୋଗକୁ ମଧ୍ୟ ବିରୋଧ କରିଛନ୍ତି । ଷଡ଼ଯନ୍ତ୍ର କରି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ମୁଁ ଶିଖ୍ ସମ୍ପ୍ରଦାୟର ଅଧିକାର ପାଇଁ ଲଢ଼େଇ କରୁଛି ବୋଲି କହିଛନ୍ତି ଅମୃତପାଲ ।

#BREAKING
In first a video after police action Waris Punjab De chief #AmritpalSingh asking to call Sarbat Khalsa on the occasion of Baisakhi and also talking about arrest of his aides and later their detention in Assam jail. pic.twitter.com/sNKvN4Idiv

— Parteek Singh Mahal (@parteekmahal) March 29, 2023

ବୈଶାଖୀ ଅବସରରେ ସରବତ୍ ଖାଲସା କରିବାକୁ ଅମୃତପାଲ ସିଂ ଭିଡିଓରେ ନିବେଦନ କରିଛନ୍ତି । ସାରା ଦେଶ ତଥା ବିଦେଶରୁ ଶିଖ୍ ସମ୍ପ୍ରଦାୟର ଲୋକ ଏହି ସରବତ ଖାଲସାରେ ଅଂଶଗ୍ରହଣ କରିବା ଉଚିତ ଓ ସେଠାରେ ସମ୍ପ୍ରଦାୟର ପ୍ରସଙ୍ଗ ଉପରେ ଆଲୋଚନା କରାଯିବ ଉଚିତ ବୋଲି ସେ ଭିଡିଓରେ କହିଛନ୍ତି ।

ସୂଚନା ଅନୁସାରେ ଅମୃତପାଲ ସିଂ ବୁଧବାର ଆତ୍ମସମର୍ପଣ କରିବେ ବୋଲି ଅନୁମାନ କରାଯାଉଛି । ଏହାକୁ ଦୃଷ୍ଟିରେ ରଖି ପଞ୍ଜାବର ବିଭିନ୍ନ ସ୍ଥାନରେ ସୁରକ୍ଷା ବ୍ୟବସ୍ଥା ଆଲର୍ଟ ମୋଡରେ ରହିଛି । ଭାଇରାଲ ହେଉଥିବା ଏହି ଭିଡିଓରେ ଅମୃତପାଲ ପଞ୍ଜାବୀରେ କଥା ହେଉଛି । ଏହି ଭିଡିଓରେ ସେ କହିଛନ୍ତି ’ମୋର ଗିରଫଦାରୀ ଓ୍ୱାହେଗୁରୁଙ୍କ ହାତରେ ଅଛି । ମୋର କେହି କିଛି କହିପାରିବେ ନାହିଁ ବୋଲି କହିଛି ଅମୃତପାଲ ।