ଦିଲ୍ଲୀରେ ଓଡ଼ିଶାର ପ୍ରଜ୍ଞାପନ ମେଢ଼ ‘ରୁକୁଣା ରଥ’କୁ ଦ୍ୱିତୀୟ ପୁରସ୍କାର
ନୂଆଦିଲ୍ଲୀ : ସାଧାରଣତନ୍ତ୍ର ଦିବସ ପ୍ରଜ୍ଞାପନ ମେଢ ପ୍ରତିଯୋଗିତାରେ ଓଡ଼ିଶା ପୁରସ୍କୃତ ହୋଇଛି । ଓଡ଼ିଶାର ଲିଙ୍ଗରାଜ ଓ ରୁକୁଣା ରଥ ଥିମ୍କୁ ମିଳିଛି ଦ୍ବିତୀୟ ଯୁଗ୍ମ ପୁରସ୍କାର । ଉତ୍ତର ପ୍ରଦେଶ ସହ ଓଡ଼ିଶାକୁ ମିଳିଛି ପ୍ରତିଯୋଗିତାର ଦ୍ୱିତୀୟ ପୁରସ୍କାର । ଏଥିରେ ଆସାମ ଏକ ନମ୍ବର ସ୍ଥାନ ହାସଲ କରିଥିବାବେଳେ ଏନଡିଆରଏଫ ପ୍ରଜ୍ଞାପନ ମେଢ଼କୁ ଖୁବ୍ ଭଲ ପ୍ରଶଂସା ମିଳିଛି ।
ଆସନ୍ତାକାଲି ପ୍ରତିରକ୍ଷା ମନ୍ତ୍ର।ଳୟ ପକ୍ଷରୁ ଆୟୋଜିତ ହେବାକୁ ଥିବା ଏକ ସ୍ୱତନ୍ତ୍ର ଉତ୍ସବରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ରାଜ୍ୟ ଓ ସଂସ୍ଥାଗୁଡିକୁ ପୁରସ୍କୃତ କରିବେ । ଓଡ଼ିଶାର ରୁକୁଣା ରଥ ଥିମ୍ ପ୍ରଜ୍ଞାପନ ମେଢରେ ସାମିଲ ହେବା ପରେ ରାଜ୍ୟର କଳା ଓ ସଂସ୍କୃତିକୁ ବେଶ୍ ପ୍ରଶଂସା କରିଥିଲେ ରାଜପଥରେ ଉପସ୍ଥିତ ଥିବା ସମସ୍ତ ଅତିଥି ଓ ଦର୍ଶକ ।
