ଜନ୍ମଦିନରେ ମଧ୍ୟ ‘କୌନ ବନେଗା କରୋଡ଼ପତି’ର ସୁଟିଂ କରିବେ ବିଗ୍ ବି ଅମିତାଭ ବଚ୍ଚନ
1 min read
ନୂଆଦିଲ୍ଲୀ: ଆଜି ହେଉଛି ବଲିଉଡର ଭେଟେରାନ୍ ଅଭିନେତା ଅମିତାଭ ବଚ୍ଚନଙ୍କ ଜନ୍ମଦିନ । ସେ ୧୧ ଅକ୍ଟୋବର ୧୯୪୨ରେ ପ୍ରୟାଗରାଜରେ ଜନ୍ମ ହୋଇଥିଲେ । ଏହି ଅବସରରେ ସାରା ଦେଶରୁ ଅମିତାଭଙ୍କୁ ଶୁଭେଚ୍ଛାର ସୁଅ ଛୁଟିଛି । ହିନ୍ଦି ସିନେମା ଜଗତରେ ଅମିତାଭଙ୍କୁ ସବୁଠୁ କ୍ଷମତାଶାଳୀ ଅଭିନେତା ଭାବେ ବିବେଚନା କରାଯାଏ । ବଲିଉଡର ଏହି ସେହେନ୍ସା ଆଜି ୭୮ ବର୍ଷରେ ପାଦ ଥାପିଛନ୍ତି ।
ବିଗ୍ ବି ଅନେକ ସୁପର-ଡୁପର ହିଟ୍ ଚଳଚ୍ଚିତ୍ରରେ ନିଜକୁ ଅଲଗା ଅନ୍ଦାଜରେ ଲୋକଙ୍କ ସାମ୍ନାକୁ ଆଣିଛନ୍ତି । ଅମିତାଭ ତାଙ୍କ ପ୍ରେମ ଜୀବନରେ ମଧ୍ୟ ସବୁବେଳେ ଚର୍ଚ୍ଚାରେ ରହିଆସିଛନ୍ତି । ଆଜିକାଲି, ବିଗ୍ ବି ସୋନି ଟିଭିର ଗେମ ରିଆଲିଟି ସୋ ‘କୌନ ବନେଗା କରୋଡ଼ପତି’ର ସୁଟିଂରେ ବ୍ୟସ୍ତ ଅଛନ୍ତି । ତେଣୁ ଏଥର ତାଙ୍କ ଜନ୍ମଦିନ ସୁଟିଂ ସେଟ୍ରେ ହିଁ ପାଳନ କରାଯିବ ବୋଲି ସ୍ଥିର ହୋଇଛି ।
ସୂଚନାନୁସାରେ, ବିଗ୍ ବିଙ୍କ ଜନ୍ମଦିନ ପାଇଁ ଏଥର କୌଣସି ପ୍ରକାରର ଜାକଜକମର ବ୍ୟବସ୍ଥା କରାଯାଇନାହିଁ । କାରଣ କରୋନା ପାଇଁ ଏଥର ସବୁକୁ ବାଦ୍ ଦିଆଯାଇଛି ବୋଲି ବିଗ୍ ବି’ଙ୍କ ପରିବାର ଲୋକେ କହିଛନ୍ତି ।
