ଦୁଇ ଦିନିଆ ଓଡ଼ିଶା ଗସ୍ତରେ ଅମିତ ଶାହା

ଭୁବନେଶ୍ୱର: ଦୁଇ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଭୁବନେଶ୍ୱର ବିମାନ ବନ୍ଦରରେ ସକାଳ ୧୦ଟା ୧୦ରେ ପହଞ୍ଚିବେ ଅମିତ । ପୂର୍ବାଞ୍ଚଳ ପରିଷଦର ୨୪ତମ ବୈଠକରେ ସେ ଯୋଗଦେବେ । ଏହାସହ ରାଜ୍ୟବାସୀଙ୍କୁ ଭୁବନେଶ୍ୱର ଜନତା ମଇଦାନରେ ସିଏଏ ସଂପର୍କରେ ସଚେତନ କରିବେ । ଅମିତଙ୍କ ଗସ୍ତକୁ ନେଇ ଉତ୍ସାହିତ ଅଛି ରାଜ୍ୟ ବିଜେପି । ସହର ସାରା ଶାହାଙ୍କ ଫଟୋ ଏବଂ ବ୍ୟାନର ଛାଉଣି କରିଛି ଗେରୁଆ ଦଳ । ଶାହାଙ୍କୁ ଭବ୍ୟ ସ୍ୱଗତ କରିବା ପାଇଁ ଆୟୋଜନ କରିଛି ଦଳ । ତେବେ ଶାହାଙ୍କ ସଚେତନତା ଅଭିଯାନକୁ କଂଗ୍ରେସ ଓ ବିଜେଡି ନାପସନ୍ଦ କରିଛନ୍ତି । ବିନା ସଚେତନତାରେ ସିଏଏ ଲାଗୁ କରିବାରୁ ଦେଶରେ ହିଂସାକାଣ୍ଡ ଘଟୁଥିବା ଅଭିଯୋଗ ହୋଇଛି। ସେପଟେ ସିଏଏ ବିରୋଧୀ ହିଂସାକାଣ୍ଡ ପାଇଁ ବିଜେପି, କଂଗ୍ରେସକୁ ଦାୟୀ କରିଛି ।