କେମିତି ହୋଇଥିଲା ଅମିତ ଶାହାଙ୍କ ବାହାଘର ? ରାଜନୀତି ପୂର୍ବରୁ କରୁଥିଲେ ଏହି କାମ

ନୂଆଦିଲ୍ଲୀ: ବିଜେପିର ବରିଷ୍ଠ ନେତା ଅମିତ ଶାହା ରାଜନୀତିରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ତାଙ୍କୁ ବିଜେପିର ଚାଣକ୍ୟ ବୋଲି କୁହାଯାଏ। ତାଙ୍କ ନେତୃତ୍ୱରେ ଭାରତୀୟ ଜନତା ପାର୍ଟି ଗତ ଦୁଇଟି ଲୋକସଭା ନିର୍ବାଚନରେ ​​ ବଡ଼ ସଫଳତା ହାସଲ କରିଛି ।

ମୁମ୍ବାଇର ଏକ ଧନୀ ଗୁଜୁରାଟୀ ଜୈନ ପରିବାରରେ ଜନ୍ମଗ୍ରହଣ କରିଥିବା ଅମିତ ଶାହା ଆଜି ଦେଶର ଗୃହମନ୍ତ୍ରୀ । ତେବେ ବିଜେପି ନେତା ଅମିତ ଶାହାଙ୍କ ପ୍ରେମ କାହାଣୀ ବିଷୟରେ ଅଧିକାଂଶ ଲୋକେ ଜାଣିନଥିବେ । ସୂଚନାଯୋଗ୍ୟ ଯେ, ପ୍ରଥମ ଦେଖାରେ ଅମିତ ଶାହ ଜଣେ ଯୁବତୀଙ୍କ ପ୍ରେମରେ ପଡିଥିଲେ । ପ୍ରଥମ ଥର ଦେଖି ହିଁ ନିଜ ପତ୍ନୀଙ୍କ ପ୍ରେମରେ ପଡିଥିଲେ ଅମିତ ଶାହ ।  ତେବେ ସେ କିଭଳି ତାଙ୍କ ପତ୍ନୀଙ୍କୁ ପ୍ରେମ କରିଥିଲେ ଜାଣନ୍ତୁ।

ରାଜନୀତିରେ ଯୋଗଦେବା ପୂର୍ବରୁ ପ୍ଲାଷ୍ଟିକ୍ ପାଇପ୍ ର ପାରିବାରିକ ବ୍ୟବସାୟ ସମ୍ଭାଳୁଥିଲେ ବିଜେପି ନେତା ଅମିତ ଶାହା  । ୨୩ ବର୍ଷ ବୟସରେ ବିବାହ କରିଥିଲେ ଅମିତ ଶାହା । ରିପୋର୍ଟ ଅନୁସାରେ ଅମିତ ଆରେଞ୍ଜ ମ୍ୟାରେଜ କରିଥିଲେ କିନ୍ତୁ ସେ ପ୍ରଥମ ଦେଖାରେ ତାଙ୍କ ପତ୍ନୀଙ୍କୁ ପ୍ରେମରେ ପଡିଥିଲେ। ପ୍ରଥମ ଦେଖାରେ ସେ ନିଷ୍ପତ୍ତି ନେଇଥିଲେ ଯେ, ସେ ହିଁ ତାଙ୍କ ଜନ୍ମ ଜନ୍ମର ସାଥୀ ହେବେ । ତାଙ୍କ ପତ୍ନୀଙ୍କୁ ବହୁତ ଭଲ ପାଆନ୍ତି ଅମିତ ଶାହା । ତାଙ୍କ ପତ୍ନୀଙ୍କ ନାଁ ହେଉଛି ସୋନାଲ ଶାହା। କୋଲହାପୁରରେ ଜନ୍ମିତ ଅମିତ ଶାହାଙ୍କ ପତ୍ନୀ ସୋନାଲ ଶାହା କୋଲହାପୁରର ରାଜକୁମାରୀ ପଦ୍ମରାଜ ଗର୍ଲ୍ସ ହାଇ ସ୍କୁଲରୁ ଶିକ୍ଷା ଲାଭ କରିଥିଲେ।