ଋଷ-ୟୁକ୍ରେନ୍ ଯୁଦ୍ଧ ମଧ୍ୟରେ ସନାତନ ଧର୍ମ ଗ୍ରହଣ କଲେ ଋଷ ନାଗରିକ

ବାରଣାସୀ: ଗୋଟିଏ ପଟେ ଋଷ ଓ ୟୁକ୍ରେନ୍ ମଧ୍ୟରେ ଜାରି ରହିଛି ଘମାଘୋଟ ଲଢ଼େଇ । ତେବେ ଏହାରି ମଧ୍ୟରେ ବାରଣାସୀରେ ରହୁଥିବା ଋଷର ଜଣେ ନାଗରିକ ସନାତନ ଧର୍ମ ଆପଣାଇଛନ୍ତି । ଏହା ସହ ସେ ନୂଆ ନାମକରଣ ମଧ୍ୟ କରିଛନ୍ତି । ଋଷର ସେଣ୍ଟପିଟର୍ସବର୍ଗର ବାସିନ୍ଦା ଡକ୍ଟର ଆଣ୍ଟେନ୍ ଆଣ୍ଡ୍ରେଭ ବାରଣାସୀର ବାଗୀଶ୍ ଚେତନା ପୀଠରେ ବିଧି ଅନୁଯାୟୀ ପୂଜା କରିଥିଲେ ।

ଧାର୍ମିକ ସହର ବାରଣାସୀର ସାତ ସମୁଦ୍ର ଦେଇ ଆସୁଥିବା ବିଦେଶୀ ଅତିଥିମାନେ ଏଠାରେ ଥିବା ସଂସ୍କୃତି ଏବଂ ଧର୍ମ ଦ୍ୱାରା ପ୍ରଭାବିତ ।  ସେହି ବିଦେଶୀ ଅତିଥିମାନଙ୍କ ମଧ୍ୟରେ ଋଷ ନାଗରିକ ଆଣ୍ଟେନ୍ ଆଣ୍ଡ୍ରେଭ୍ ମଧ୍ୟ ଅଛନ୍ତି । ସେ ଗତ ଏକ ସପ୍ତାହ ହେବ ବାରଣାସୀରେ ରହୁଛନ୍ତି । ମାନସିକ ରୋଗ ବିଶେଷଜ୍ଞ ଆଣ୍ଟେନ୍ ଋଷରେ ଏକ କ୍ଲିନିକ୍ ଚଳାନ୍ତି । ସେ ବାରଣାସୀରେ ଶାନ୍ତି ଅନ୍ୱେଷଣରେ ଆସିଥିଲେ । ସେ ବାରଣାସୀର ବାଗୀଶ୍ ଚେତନା ପୀଠରେ ରହି ସନାତନ ଧର୍ମର ସଂସ୍କୃତି ଶିଖୁଥିଲେ । ଏହି ସମୟରେ ସେ ସନାତନ ଧର୍ମ ଗ୍ରହଣ କରିଥିଲେ । ସନାତନ ଧର୍ମ ଗ୍ରହଣ କରିବା ସହ ସେ ତାଙ୍କ ନାମ ପରିବର୍ତ୍ତନ କରି ଅନନ୍ତାନନ୍ଦ ନାଥ ରଖିଛନ୍ତି । ବାଗୀଶ ଚେତନା ପୀଠର ମୁଖ୍ୟ ଗୁରୁ ଆଶାପତି ତ୍ରିପାଠୀ କହିଛନ୍ତି କି ଋଷ ଓ ୟୁକ୍ରେନରୁ ସନାତନ ଧର୍ମ ଗ୍ରହଣ କରୁଥିବା ଲୋକଙ୍କ ସଂଖ୍ୟା ବୃଦ୍ଧି ପାଇଛି ।