ଚୀନ ସହ ସୀମା ଉତ୍ତେଜନାକୁ ନେଇ ଭାରତକୁ ଆମେରିକାର ସମର୍ଥନ
ଓ୍ୱାସିଂଟନ: ସିକ୍କିମ୍ ସୀମାରେ ଭାରତ ଓ ଚୀନ ମଧ୍ୟରେ ସମ୍ପର୍କ ତିକ୍ତ ରହିଛି । ଏଭଳି ସମୟରେ ଏହି ପ୍ରସଂଗରେ ଭାରତର ସମର୍ଥନ କରିଛି ଆମେରିକା । ଚୀନର ଉସକାଇବା ଏବଂ ହଇରାଣ କରିବା ଭଳି ଆଭିମୁଖ୍ୟକୁ ବିରୋଧ କରୁଥିବା ଭାରତ, ଅଷ୍ଟ୍ରେଲିଆ ଏବଂ ଅନ୍ୟ ଏସିଆନ୍ ଦେଶଙ୍କ ସହ ଆମେରିକା ନିଜକୁ ସାମିଲ କରିଛି ।
ଆମେରିକାର ସର୍ବୋଚ୍ଚ କୂଟନୀତିଜ୍ଞ ଓ୍ୱେଲ୍ସ ଅଫଗାନିସ୍ତାନରେ ଭାରତର ଭୂମିକା ଉପରେ ମଧ୍ୟ ଆଲୋଚନା କରିଥିଲେ। ସେ କହିଛନ୍ତି ଯେ ତାଲିବାନ ସହ ଭାରତ ସିଧାସଳଖ ସମ୍ପର୍କ ରଖିବାକୁ ଚାହୁଁଛି କି ନାହିଁ ନୂଆଦିଲ୍ଲୀ ସ୍ଥିର କରିବ। ତେବେ ତାଲିବାନ କାବୁଲର ନୂଆ ସରକାରରେ ଯୋଗଦେବାକୁ ଯାଉଛନ୍ତି ।
ଏଣୁ ଆଫଗାନିସ୍ତାନର ଭାବି ସରକାର ସହିତ ଭାରତର ସୁସ୍ଥ ସମ୍ପର୍କ ରହିବା ଆବଶ୍ୟକ ବୋଲି ସୂଚାଇଛନ୍ତି ଆମେରିକାର କୂଟନୀତିଜ୍ଞ । ଭାରତ ଚୀନରେ ଲାଗି ରହିଥିବା ଉତ୍ତେଜନାପୂର୍ଣ୍ଣ ସ୍ଥିତି ସମ୍ପର୍କରେ ସେ କହିଛନ୍ତି ଯେ, ‘ଦକ୍ଷିଣ ଚୀନ ସାଗର ହେଉ ଅବା ଭାରତୀୟ ସୀମା, ଏହି ଉଭୟ କ୍ଷେତ୍ରରେ ଚୀନର ଉସକାଇବା ଏବଂ ଉତ୍ତେଜନ ବଢ଼ାଇବା ଭଳି କାମ କରୁଛି ।
ଚୀନର ଏଭଳି କାର୍ଯ୍ୟକଳାପ ସମଭାବାପୂର୍ଣ୍ଣ ଦେଶମାନଙ୍କୁ ଏକଜୁଟ କରିଛି । ତାଲିବାନ ଆମେରିକା ବିପକ୍ଷରେ କୌଣସି ଆତଙ୍କୀ କାର୍ଯ୍ୟକଳାପ କରିବ ନାହିଁ ଫେବ୍ରୁଆରୀ ମାସରେ ଉଭୟଙ୍କ ମଧ୍ୟରେ ବୁଝମଣା ସ୍ୱାକ୍ଷର ହୋଇଥିଲା । କିନ୍ତୁ ଭାରତ ବିପକ୍ଷରେ ଆତଙ୍କୀ କାର୍ଯ୍ୟକଳାପ କରିବନାହିଁ ସେନେଇ କୌଣସି ସର୍ତ୍ତ ନାହିଁ । ଭାରତରେ ଆତଙ୍କୀ ଆକ୍ରମଣ ଭିଆଇଥିବା ଲସ୍କର ଏ ତୋଏବାର ତାଇବାନ ସହ ସମ୍ପର୍କ ରହିଛି ।
ଏଭଳି ସ୍ଥିତିରେ ଭାରତର ତାଇବାନ ସହ ସମ୍ପର୍କ ନେଇ ପ୍ରଶ୍ନ ଉଠୁଛି । ଏଣୁ ଆମେରିକା ଏବଂ ନିଜ ସହଯୋଗୀ ଦେଶମାନଙ୍କ ଉପରେ ତାଲିବାନ ପକ୍ଷରୁ କୌଣସି ଆତଙ୍କୀ କାର୍ଯ୍ୟକଳାପ କରାଯିବା ନେଇ ସୁନିଶ୍ଚିତ କରାଇବ ।
