ଆମ୍ୱୁଲାନ୍ସ କର୍ମଚାରୀଙ୍କ ମାନବିକତା: ଷ୍ଟ୍ରେଚରରେ ଅଢ଼େଇ କିଲୋମିଟର ବୋହି ଡାକ୍ତରଖାନାରେ ପହଞ୍ଚାଇଲେ

ଦେବଗଡ଼: ୧୦୮ ଆମ୍ବୁଲାନ୍ସ କର୍ମଚାରୀଙ୍କ ମାନବିକତା । ଷ୍ଟ୍ରେଚରରେ ଗର୍ଭବତୀଙ୍କୁ ଅଢେଇ କିଲୋମିଟର ରାସ୍ତା ବୋହି ଡାକ୍ତରଖାନାରେ ପହଞ୍ଚାଇଲେ । ଦେବଗଡ଼ ତିଳେଇବଣି ବ୍ଲକ ବାଙ୍କଦର୍ହ ଗାଁର ଶିଳାମତୀ ବିଲୁଙ୍ଗଙ୍କ ଗର୍ଭଯନ୍ତ୍ରଣା ହେଉଥିଲା । ଖବର ପାଇ ଆମ୍ବୁଲାନ୍ସ ଆସିଥିଲା । ହେଲେ ରାସ୍ତା ଭଲ ନଥିବାରୁ ଆମ୍ବୁଲାନ୍ସ ଚାଳକ ଆର୍ତ୍ତତ୍ରାଣ ବେହେରା, ଇଏମଟି ସୁଶାନ୍ତ ସାହୁ ଓ ସହାୟକ ଜନ୍ମଜେୟ ବେହେରା ଗର୍ଭବତୀଙ୍କୁ  ଷ୍ଟ୍ରେଚରରେ ଅଢେଇ କିଲୋମିଟର ରାସ୍ତା ବୋହି ଆମ୍ବୁଲାନ୍ସ ପାଖକୁ ନେଇଆସିଥିଲେ । ପରେ ଆମ୍ବୁଲାନ୍ସରେ ନେଇ ତାଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ ।

ଏଥିସହିତ ପଢ଼ନ୍ତୁ: ଶବଦାହ ପାଇଁ ଯାଉଥିଲେ ଶବ ପାଲଟିଲେ: ସଡ଼କ ଦୁର୍ଘଟଣାରେ ୧୭ଜଣଙ୍କ ମୃତ୍ୟୁ, ୫ଜଣ ଗୁରୁତର