ରାସ୍ତାରୁ କଏନ୍ ଭର୍ତ୍ତି ଦୁଇ ବସ୍ତା ଟଙ୍କା ପାଇଲେ ଆମ୍ବୁଲାନ୍ସ ଡ୍ରାଇଭର

ଜଳେଶ୍ୱର: ରାସ୍ତା କଡ଼ରୁ ମିଳିଲା କଏନ୍ ଭର୍ତ୍ତି ବସ୍ତା । ଏମିତି ୨ଟି କଏନ୍ ବସ୍ତାକୁ ପାଇ ପୋଲିସକୁ ଦେଇଛନ୍ତି ୧୦୮ ଡ୍ରାଇଭର । ବାଲେଶ୍ଵର ଜିଲ୍ଲା ହଳଦୀ ପଦା ନିକଟ ୬୦ ନମ୍ବର ଜାତୀୟ ରାଜପଥରେ କିଛି ବସ୍ତା ପଡ଼ିଥିବା ଦେଖିଥିଲେ ୧୦୮ ଆମ୍ବୁଲାନ୍ସ ଡ୍ରାଇଭର ବିମଳ ଦାସ ।

ସେଥିରେ ୪୦ କିଲୋ ଓଜନର ୨ଟଙ୍କିଆ କଏନ ଥିଲା । ଡ୍ରାଇଭର ଜଣଙ୍କ ଫାର୍ମାସିଷ୍ଟ ବାପି ମହାନ୍ତଙ୍କ ସହ ମିଶି ଦୁଇ ବସ୍ତା ଟଙ୍କାକୁ ଜଳେଶ୍ୱର ଥାନାରେ ଜିମା ଦେଇଛନ୍ତି । ତେବେ ଏତେ ପରିମାଣର ଖୁଚୁରା ଟଙ୍କା ଜାତୀୟ ରାଜପଥ ଉପରେ କେଉଁଠୁ ଆସିଲା ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏନେଇ ଜଳେଶ୍ୱର ପୋଲିସ ଅଧିକ ତଦନ୍ତ କରୁଛି । ଆମ୍ବୁଲାନ୍ସ ଡ୍ରାଇଭରଙ୍କୁ ଏଭଳି କାର୍ଯ୍ୟକୁ ଲୋକେ ସ୍ୱାଗତ କରିଛନ୍ତି ।