କଟକରେ ଆମ୍ୱୁଲାନ୍ସ ଦୁର୍ଘଟଣାଗ୍ରସ୍ତ: କରୋନା ରୋଗୀଙ୍କୁ ନେଇ ଆସୁଥିଲା ଆମ୍ୱୁଲାନ୍ସ
କଟକ: ଆମ୍ୱୁଲାନ୍ସ ଦୁର୍ଘଟଣାଗ୍ରସ୍ତ । କଟକ ଓଏମ୍ପି ଛକ ନିକଟରେ ଓଲଟିଲା ଆମ୍ୱୁଲାନ୍ସ । ଡିଭାଇଡରକୁ ପିଟିହୋଇ ଆମ୍ୱୁଲାନ୍ସ ଦୁର୍ଘଟଣାଗ୍ରସ୍ତ । କରୋନା ରୋଗୀଙ୍କୁ ନେଇ ଭୁବନେଶ୍ୱରର ସମ୍ ହସ୍ପିଟାଲ ଅଭିମୁଖେ ଆସିଥିଲା ଆମ୍ୱୁଲାନ୍ସ । ଯାଜପୁରରୁ ୩ କରୋନା ରୋଗୀଙ୍କୁ ନେଇ ଆସୁଥିଲା । ଦୁର୍ଘଟଣାଗ୍ରସ୍ତ ହୋଇଥିବା ୩ ଜଣ ରୋଗୀ ଗୋଟିଏ ପରିବାର ।
ମିଳିଥିବା ସୂଚନା ଅନୁଯାୟୀ ସେମାନେ ଯାଜପୁର କଟିକଟା ଅଞ୍ଚଳର । ତେବେ ଦୁର୍ଘଟଣାରେ କୌଣସି ରୋଗୀଙ୍କ କିଛି କ୍ଷୟକ୍ଷତି ହୋଇନଥିବା ବେଳେ ଡ୍ରାଇଭର ସାମାନ୍ୟ ଆହତ ହୋଇଥିବା ଚାଉଳିଆଗଞ୍ଜ ଥାନା ଆଇଆଇସି ସୂଚନା ଦେଇଛନ୍ତି । ଘଟଣା ସମ୍ପର୍କରେ ଖବର ପାଇବାରେ ପରେ ଅନ୍ୟ ଏକ ଆମ୍ୱୁଲାନ୍ସ ଯୋଗେ ସମସ୍ତ ରୋଗୀଙ୍କୁ ଉଦ୍ଧାର କରିବା ସହ ହସ୍ପିଟାଲକୁ ପଠାଇଦିଆଯାଇଛି । ଏଥିସହିତ ଡ୍ରାଇଭରଙ୍କୁ ମଧ୍ୟ ଚିକିତ୍ସା ପାଇଁ ପଠାଇଦିଆଯାଇଛି । ମୋଟ ୪ ଟି ଆମ୍ୱୁଲାନ୍ସ ଟିମ୍ ଭୁବନେଶ୍ୱର ଅଭିମୁଖେ ଆସୁଥିଲା । ସେଥିମଧ୍ୟରୁ ଗୋଟିଏ ଆମ୍ୱୁଲାନ୍ସ ଦୁର୍ଘଟଣାଗ୍ରସ୍ତ ହୋଇଛି । ତେବେ ଆମ୍ୱୁଲାନ୍ସଟି ଦୁର୍ଘଟଣାଗ୍ରସ୍ତ ହୋଇଥିବାରୁ କରୋନା ରୋଗୀଙ୍କୁ ମେଡିକାଲକୁ ଆଣିବା ନେଇ ଯେଉଁ ଏସ୍ଓପି ପାଳନ ହୁଏ ସେଥିରେ ବ୍ୟତିକ୍ରମ ହୋଇଛି । ଏହାଦ୍ୱାରା ଦୁର୍ଘଟଣାଗ୍ରସ୍ତ ଅଞ୍ଚଳ ସଂକ୍ରମିତ ହେବାର ଆଶଙ୍କା ରହିଛି । ଏଣୁ ଦୁର୍ଘଟଣା ହୋଇଥିବା ସ୍ଥାନଟିକୁ ବିଶେୋଧନ କରାଯାଇଛି । ଏଥିସହିତ ଆମ୍ୱୁଲାନ୍ସଟିକୁ ମଧ୍ୟ ବିଶୋଧନ କରାଯାଇ କ୍ରେନ ସହାୟତାରେ ତାକୁ ଥାନାକୁ ନିଆଯାଇଛି ।
