ଏଥର ବି ଅମରନାଥ ଯାତ୍ରା ବାତିଲ୍, ଅନଲାଇନରେ ଦର୍ଶନ କରିପାରିବେ ଶ୍ରଦ୍ଧାଳୁ

ଶ୍ରୀନଗର: କରୋନା ସଂକ୍ରମଣ ସ୍ଥିତିକୁ ଦେଖି ଚଳିତଥର ମଧ୍ୟ ଅମରନାଥ ଯାତ୍ରା ବାତିଲ୍ କରି ଦିଆଯାଇଛି । ବାବାଙ୍କ ଦର୍ଶନ ଲାଗି ଶ୍ରଦ୍ଧାଳୁଙ୍କୁ ପୁଣି ଆସନ୍ତା ବର୍ଷ ଯାଏ ଅପେକ୍ଷା କରିବାକୁ ପଡ଼ିବ । ଅମରନାଥ ଯାତ୍ରା ବାତିଲ୍ ନେଇ ଜମ୍ମୁ-କାଶ୍ମୀର ପ୍ରଶାସନ ନିଷ୍ପତ୍ତି ନେଇଛି । ଏନେଇ ଉପରାଜ୍ୟପାଳ ମନୋଜ ସିହ୍ନା ଘୋଷଣା କରିଛନ୍ତି । ଗତବର୍ଷ ମଧ୍ୟ କରୋନା ଭାଇରସ୍ ସଂକ୍ରମଣ ଯୋଗୁ ଅମରନାଥ ଯାତ୍ରା ବାତିଲ୍ ହୋଇଥିଲା ।

ତେବେ ଶ୍ରଦ୍ଧାଳୁ ଅନଲାଇନରେ ବାବା ବର୍ଫାନୀଙ୍କ ଦର୍ଶନ କରିପାରିବେ । ଜୁନ୍ ୨୮ରୁ ଅନଲାଇନ୍ ଦର୍ଶନ ଆରମ୍ଭ ହେବ । ଶ୍ରୀ ଅମରନାଥ ଛଡ଼ି ମୁବାରକ ଅଗଷ୍ଟ ୨୨ରେ ଗୁମ୍ଫାକୁ ନିଆଯିବ । ଏହା ପୂର୍ବରୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଅଧ୍ୟକ୍ଷତାରେ ଏକ ବୈଠକ ବସିଥିଲା । ଯେଉଁଥିରେ NSA ଅଜିତ ଡୋଭାଲ୍, କେନ୍ଦ୍ର ଗୃହ ସଚିବ ଅଜୟ ଭଲ୍ଲାଙ୍କ ସହ ଜମ୍ମୁ-କାଶ୍ମୀର ବରିଷ୍ଠ ସୁରକ୍ଷା ଅଧିକାରୀ ସାମିଲ୍ ହୋଇଥିଲେ ।