ବକ୍ସ ଅଫିସରେ ଧମାଲ କରିବା ପରେ OTTରେ ରିଲିଜ୍ ହେବ ପୁଷ୍ପା
1 min read
ନୂଆଦିଲ୍ଲୀ: ବକ୍ସ ଅଫିସରେ ଦମଦାର ବ୍ୟବସାୟ କରିବା ପରେ ଏବେ OTT ମୁହାଁ ଅଲ୍ଲୁ ଅର୍ଜୁନ ଷ୍ଟାରର ପୁଷ୍ପା । ବଡ଼ ସ୍କ୍ରିନରେ ଦର୍ଶକଙ୍କୁ ମନୋରଞ୍ଜନ କରିବା ପରେ ଏବେ OTTରେ ଦର୍ଶକଙ୍କୁ ମନୋରଞ୍ଜନ କରିବାକୁ ଯାଉଛି ପୁଷ୍ପା । ଏହି ଫିଲ୍ମ ପ୍ରେକ୍ଷାଳୟରେ ଭଲ ବ୍ୟବସାୟ କରିଛି । ଏହି ଫିଲ୍ମର ମୋଟ ବକ୍ସ ଅଫିସ କଲେକସନ ପ୍ରାୟ ୩୦୦ କୋଟିରେ ପହଞ୍ଚିଛି । ଖାସ୍ କରି ହିନ୍ଦୀ ଭାଷାରେ ଏହି ଫିଲ୍ମ ଭଲ ବ୍ୟବସାୟ କରିଛି । ସୁକୁମାରଙ୍କ ଦ୍ୱାରା ଲିଖିତ ଓ ନିର୍ଦ୍ଦେଶିତ ଏହି ଫିଲ୍ମରେ ଅଲ୍ଲୁ ଅର୍ଜୁନଙ୍କ ବ୍ୟତୀତ ରଶ୍ମିକା ମନ୍ଦାନା ଲିଡ୍ ରୋଲରେ ରହିଥିଲେ ।
View this post on Instagram
ଡିସେମ୍ବର ୧୭ରେ ରିଲିଜ୍ ହୋଇଥିବା ଏହି ଫିଲ୍ମ ପ୍ରାୟ ଏକ ମାସ ପରେ ଅର୍ଥାତ ଜାନୁଆରୀ ୭ରେ OTT ପ୍ଲାଟର୍ଫମରେ ରିଲିଜ୍ ହେବାକୁ ଯାଉଛି । ଆସନ୍ତା ଜାନୁଆରୀ ୭ରେ ଏହି ଫିଲ୍ମ ଆମାଜନ ପ୍ରାଇମ ଭିଡିଓରେ ରିଲିଜ ହେବ। ତେବେ ଆମାଜନରେ ଏହି ଫିଲ୍ମ ହିନ୍ଦୀ ଭାଷାରେ ରିଲିଜ୍ ହେବ ନାହିଁ । ଏହି ଫିଲ୍ମ କେବଳ ତେଲୁଗୁ, ତାମିଲ, ମଲୟାଲମ, କନ୍ନଡ ଭାଷାରେ ଉପଲବ୍ଧ ହେବ ।
