ବିଜୁ ଓ ନେହେରୁଙ୍କ ପ୍ରତିମୂର୍ତ୍ତି ଭାଙ୍ଗି ଅଳିଆଗଦାକୁ ବିଜେପି ନେତା ଫିଙ୍ଗିଥିବା ଅଭିଯୋଗ

ଭୁବନେଶ୍ୱର: ବରପୁତ୍ରଙ୍କ ପ୍ରତିମୂର୍ତ୍ତି ଭଙ୍ଗା ଘଟଣାକୁ ନିନ୍ଦା କରିଛନ୍ତି ବରିଷ୍ଠ ରାଜନେତା ଡାକ୍ତର ଦାମୋଦର ରାଉତ । ନିନ୍ଦା କରିବା ସହିତ ଦୋଷୀ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛନ୍ତି ଦାମୋଦର ରାଉତ । ପାରାଦୀପରେ ବିଜୁ ପଟ୍ଟନାୟକ ଓ ଜବାହରଲାଲ ନେହେରୁଙ୍କ ପ୍ରତିମୂର୍ତ୍ତି ଭଙ୍ଗା ଯାଇଛି । ଜଣେ ବିଜେପି ନେତା ଦୁଇଟିଯାକ ପ୍ରତିମୂର୍ତ୍ତି ଭାଙ୍ଗି ଅଳିଆ ଗଦାରେ ଫିଙ୍ଗିଛନ୍ତି l ରାଜ୍ୟ ସରକାର ଏହାକୁ ଗୁରୁତ୍ଵର ସହ ନେଇ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାମୋଦର ଦାବି କରିଛନ୍ତି । ଏପରି ହୀନ ରାଜନୀତିକୁ ଡାକ୍ତର ଦାମୋଦର ରାଉତ ନିନ୍ଦା କରୁଛନ୍ତି l

ସେହିପରି ପାରାଦୀପରେ ପ୍ରତିମୂର୍ତ୍ତି ଭଙ୍ଗା ଘଟଣାରେ ବର୍ଷିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ । ଏହା ପଛରେ ବିଜେପିର ହାତ ଅଛି । ନେହେରୁ ପରିବାର ପ୍ରତି ବିଜେପିର ରାଗ ଅଛି । ଏହାକୁ ଓଡ଼ିଶାବାସୀ ଗ୍ରହଣ କରିବେନାହିଁ ବୋଲି କଂଗ୍ରେସ ବିଧାୟକ ସୁରେଶ ରାଉତରାୟ କହିଛନ୍ତି । ସେପଟେ ପାରାଦୀପ ଆଦର୍ଶ ଥାନାରେ ଏତଲା ଦେଇଛନ୍ତି ବିଜେଡି ନଗର ସଭାପତି ବସନ୍ତ କୁମାର ବିଶ୍ବାଳ ।