ଭୁବନେଶ୍ବରରୁ ୧୬ ବର୍ଷର ବାଳକକୁ ଅପହରଣ ଅଭିଯୋଗ, ମୁଣ୍ଡଜାମିନ ରଖି ଅପହର୍ତ୍ତା ମାଗୁଛନ୍ତି ୩ ଲକ୍ଷ ଟଙ୍କା

ଭୁବନେଶ୍ୱର: ଭୁବନେଶ୍ବରର ୧୬ ବର୍ଷର ପିଲାର ମୁଣ୍ଡ ଜାମିନ ରଖି ଅପହରଣକାରୀ ମାଗୁଛନ୍ତି ୩ ଲକ୍ଷ ଟଙ୍କା । ଥାନା ଆଗରେ ନ୍ୟାୟ ଦାବିରେ ଧାରଣାରେ ବସିଛନ୍ତି ବାପା ମା’ । ହ୍ୱାଟ୍ସଆପରେ ଆସୁଛି ମାରିଦେବାକୁ ଧମକ । ଏକ ଓଡ଼ିଶା ବାହାର ନମ୍ବରରୁ ଏହି ମେସେଜ ଆସିଛି । ପିଲାର ଫଟୋ ମଧ୍ୟ ପଠେଇଛନ୍ତି ଅପହରଣକାରୀ । ସପ୍ତାହେ ମଧ୍ୟରେ ଟଙ୍କା ନଦେଲେ ଜୀବନରୁ ମାରିଦେବାକୁ ଧମକ ଦିଆଯାଇଛି । ରାଜଧାନୀର ମୈତ୍ରୀବିହାର ଥାନା ସମ୍ମୁଖରେ ଦମ୍ପତି ଧାରଣାରେ ବସିଛନ୍ତି । ଗତ ଗୁରୁବାର କେଉଁ ଆଡ଼େ ଚାଲିଯାଇଥିଲେ ଯୋଗେଶ ବାଲାଜି ଲିଂଗଡେ । ୭ ଦିନ ତଳେ ମୈତ୍ରୀବିହାର ଥାନାରେ ଅପହରଣ ନେଇ ଅଭିଯୋଗ କରିଥିଲେ ପରିବାର ।