ପୁରୀ ଶ୍ରୀମନ୍ଦିରରେ ଅଭାବନୀୟ ଦୃଶ୍ୟ, ଯାତ୍ରୀ ସହାୟକଙ୍କୁ ସେବାୟତଙ୍କ ମାଡ଼ ଅଭିଯୋଗ

ପୁରୀ: ପୁରୀ ଶ୍ରୀମନ୍ଦିରରେ ପୁଣି ଦେଖିବାକୁ ମିଳିଛି ଅଭାବନୀୟ ଦୃଶ୍ୟ । ଶ୍ରୀମନ୍ଦିର ପ୍ରଶାସନ ଦ୍ୱାରା ନିୟୋଜିତ ଜଣେ ଯାତ୍ରୀ ସହାୟକଙ୍କୁ ସେବାୟତଙ୍କ ମାଡ଼ ଅଭିଯୋଗ ହୋଇଛି। ଗୁରୁତର ଅବସ୍ଥାରେ ସହାୟକ ଜଣକ ମେଡିକାଲରେ ଭର୍ତ୍ତୀ ହୋଇଛନ୍ତି । ସହାୟକଙ୍କ ମୁଣ୍ଡରେ ଆଘାତ ଲାଗିଛି । ଦକ୍ଷିଣ ଦ୍ୱାର ପରିବର୍ତ୍ତେ ସେବାୟତ ଜଣକ ଉତ୍ତରଦ୍ୱାରରେ କୁଡୁଆ ଶ୍ରୀମନ୍ଦିର ମଧ୍ୟରେ ପ୍ରବେଶ କରାଉଥିଲେ ।

ତେବେ ଏନେଇ ସହାୟକ ବିରୋଧ କରିବାରୁ ଉତକ୍ଷିପ୍ତ ହୋଇ ସେବାୟତ ଜଣକ ତାଙ୍କ ମୁଣ୍ଡରେ କୁଡୁଆ ଛେଚି ଦେଇଥିବା ଅଭିଯୋଗ ହୋଇଛି ।